入行14年終獲認同！楊秀惠喊戲受好評 感謝張衛健幫手度對白

《大帥哥》越播越hit，除咗擔大旗嘅張衛健成為今期紅人之外，其他配角嘅演出都備受關注。

喺劇中飾演大帥姨太艾妞嘅楊秀惠就係其中之一喇！佢嘅一場喊戲，獲網民好評，受佢演出所感動。

第七集就講到羅義要保護艾妞返大帥府，而艾妞就因為想同返真大帥一齊而拒絕。

Photo from 《大帥哥》

點知大帥其實已另有佳人，忘記咗艾妞，而羅義就為救艾妞而中刀受傷。

Photo from 《大帥哥》

艾妞覺得羅義會受傷都係因為自己，感到非常自責，更加認為自己係紅顏禍水。

Photo from 《大帥哥》

Photo from 《大帥哥》

楊秀惠喺車度一邊喊一邊叫羅義唔好死嘅場面，喊到妝都花晒，令睇嘅人都感受到佢嘅驚慌同害怕。

Photo from 《大帥哥》

到返到大帥府，佢向大帥哥懺悔，仲覺得自己唔乾淨，禍害咗大帥府嘅人。

Photo from 《大帥哥》

Photo from 《大帥哥》

而網民睇到呢集都大讚楊秀惠喊戲出色。

Photo from 連登討論區

Photo from 香港討論區

Photo from 香港討論區

Photo from 香港討論區

入行14年，演技終於獲認同，但其實楊秀惠喺接《大帥哥》嘅妖艷歌星艾妞一角之前，曾經因為艾妞同佢之前做嘅賣弄風騷嘅角色相似而猶豫過。

佢亦都感激大帥哥張衞健幫佢：「嗰場戲係佢幫我度過晒所有對白，我當時一邊睇劇本一邊喊，佢度啲對白好人性化，我拍嘅時候都喊到停唔到。」

而喺佢本人嘅美容院開張當日，張衛健更驚喜現身支持，令楊秀惠大受感動！

Photo from 楊秀惠ig

劇組戲裡戲外都咁好感情！張衛健不遺餘力咁提攜後輩，難怪楊秀惠都叫佢做「大哥」喇！

Text: Holiday Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）