2019豬年12生肖運程！麥玲玲同你解構虎/兔/龍

上次就同大家講咗12生肖中嘅豬、鼠、牛呢3個生肖，今次再同大家分析虎、兔、龍喇！

Photo from Presslogic

虎：

Photo from shutterstock

破太歲、合太歲

吉星：太陰、國印、歲合

凶星：貫索、孤辰

屬虎嘅朋友嚟到豬年就比較特別一啲，原則上老虎同豬係好朋友嚟，但當中合太歲之餘又有破太歲，所以關係是會比較復雜。

Photo from shutterstock

今年有70%嘅朋友係唔錯嘅，但有30%朋友會走向另一個極端（運程）麻麻地，今年都係一個合太歲但又是一個犯太歲嘅年份，所以好多事都要小心一點，包括身體健康方面同家宅運係最重要嘅，今年係容易受傷同整親嘅一年，所以高危嘅活動就唔建議參加。

Photo from shutterstock

而家宅運提升嘅話，最好就係少少嘅裝修或換家具都係合適嘅，幸好有太陰星係女性貴人星，有依個星其實今年都有長輩運。同時國印星亦係事業運嘅進步，掌管權力嘅帥印，總括今年只好先專心工作先喇！

兔：

Photo from shutterstock

吉星：三台、將星

凶星：五鬼、官符、飛符

屬兔嘅朋友經歷咗雞年沖太歲、狗年合太歲。嚟到豬年終於好好多，兔仔同豬係好朋友，做事就自然比較順利。

Photo from pinterest

今年有三台星，三台好像樓梯咁代表步步高陞，無論事業運、感情運、財運都會有進步空間，所以今年係要把握同發揮一下。

Photo from shutterstock

另外，將星係領導才能嘅星，有這個星嘅話，如果你嘅工作係紀律部隊就更合適喇，因為將星代表住好像將軍打仗，領導才能得到發揮，所以如果是從事消防、警察之類的行業就更加好。

Photo from pinterest

今年要小心就係有五鬼同官符星，官符顧名思義係指官非，喺文件、合約方面就要睇清楚喇！同時揸車嘅朋友記得要奉公守法呀！

龍：

Photo from pinterest

吉星：月德、紅鸞

凶星：小耗、扳鞍

屬龍嘅朋友喺狗年經歷沖太歲，好多離離合合同變化。嚟到豬年就開心好多，今年有月德星，月德係一個貴人星，做事起事嚟就可以開心同順遂啲喇！

Photo from shutterstock

另外，仲有紅鸞星，顧名思義代表拉埋天窗，去年分手嘅朋友，今年就會重新開始一段感情，亦會發展得不錯。甚至可以結婚，但已經結婚嘅朋友對人就唔好太熱情，因為紅鸞係桃花星，好容易引發三角關係。

Photo from shutterstock

而今年嘅財運方面依然有小耗星，小耗係細嘅破財星，相對大嘅破財星，依個係可以自己去避免一下嘅，例如做多啲善事，又或者係平時你唔捨得買嘅嘢，今年都買一下，自然就可以破歡喜財，咁樣財運方面就會好一啲喇！

同大家講住咁多先，下次繼續！

Text: Holiday Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編