黃翠如蕭正楠公開求婚細節 深情剖白愛的承諾：我們什麼也沒有，但我們擁有了對方。

琴晚台慶頒獎禮，除咗一眾得獎者之外，相信大家嘅焦點一定係領獎後宣布已經同翠如結婚嘅蕭正楠喇！

蕭正楠話事前其實無同翠如夾過：「我掩住阿廉把口啦，講咗俾佢聽之後，大家知佢幾咁口疏㗎啦，所以揀咗今晚去將呢件事講出嚟」，不忘窒下老友。

佢話係做咗一個旅行嘅婚禮同簽紙，仲話：「我同佢喺埋一齊，去到邊都咁開心嘅。」好sweet！

Photo from TVB

Photo from TVB

提到點解喺頒獎禮公佈，佢話因為太多身邊朋友問幾時結婚：「但想講嘅時候展鵬講咗喎，再想講時嘉穎講咗喎，硬係揀唔到乜嘢好時間去講，變咗今晚我估冇人講啦啩！」

而大家關心嘅求婚經過，原來蕭正楠係喺過山車求婚：「我就懶神秘，喺歐洲搵咗部最高速嘅過山車，諗住佢無得走，去到中程我就叫佢望過嚟，點知佢驚到個人係定咗，完全無望過嚟，我諗就到頂喇喎，之後就取消行動，收埋咗戒指，所以第一次求婚喺佢唔知情嘅情況下失敗咗。」

以為就咁失敗？之後到返翠如求婚！翠如喺ig透露：「他在過山車上向我求婚，我在河邊向他求婚。」而當時大家都好樸素：「沒有衣香鬢影，沒有氣派場地，就連一對合尺寸的戒指也找不到，然後我們在一個鄉村小市集，找到一對用餐具弄出來的小戒指⋯⋯ 就這樣吧。」配圖仲係佢兩個嘅戒指，勁romantic~

Photo from 黃翠如 ig

最浪漫嘅係翠如講到：「那一刻，我們什麼也沒有，但我們擁有了對方。」而老公都留言：「你快樂所以我快樂」好sweet好感動啊！

Photo from 黃翠如 ig

大批網民留言祝福，希望佢哋白頭到老！

Text: Holiday Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）