2019豬年運程4大必睇位 陳子才師傅教你日常催運法！

啱啱大家就齊齊踏入咗2019年。話咁快2月就係農曆新年，唔少人都一定會嚟緊嘅運程係點。相信大家最想知嘅一定唔少得點樣可以催旺錢、桃花、人緣之類喇！

今次小編就搵嚟玄學家陳子才師傅教大家喺日常生活中，從顏色，去咩地方旅行方面點樣可以催運呀！

Photo from PressLogic

豬年開運方向：

豬年旅遊開運方向喺邊呢？第一個係喜慶位，即係如果想要喜事，如：結婚、生子、買樓都係喜事。想去邊個方向有利，原來就係西北方，去西北面喜慶方，今年就可以加強呢方面嘅機會。

Photo from shutterstock

想找桃花又點呢？單身嘅想加旺桃花，原來去正西方向（例如：西歐），總之國家名有「西」字，例如西班牙都得。

Photo from shutterstock

除此以外，想加強文昌運，即係讀書、考試或者名氣運，可以去正北方，北面即係冷一啲嘅地方或者國家有「北」字，例如北海道（嘩！聽到都想去喇～），意思即係呢個方向又係有利嘅。

Photo from shutterstock

仲有，想加強財運又點？如果你係非文職工作嘅話，就可以去正東方。而如果你本身係做文職或者做生意嘅，原來今年嘅財位，就喺屋嘅中間即係其實邊到都唔駛去，所以如果求財嘅，就唔駛出門喇！咁樣就可以慳番唔少錢，原來就已經催旺咗財運！

Photo from shutterstock

至於，有沒有某些方向要避免一下，都有嘅。東北方同西南方就要留意一下。皆因依個係俗稱五黃二黑嘅病位或者災煞嘅位置。所以盡量依兩個方向就少去一啲，這樣就應該比較平安喇！

Photo from shutterstock

顏色催運：

屬豬嘅開運顏色，我可以分開幾個方面解答。

Photo from shutterstock

第一點，如果你想催旺整體嘅財運或者男性想催旺異性緣，可以多用米、黃、啡嘅顏色。至於金、銀、白，原來就有利於思想學習投資運，即係讀書運或者投資運。

Photo from shutterstock

如果黑、灰、藍，就可以增強自身運或身體健康方面。至於綠色、青色，就可以增強貴人運或者名氣運。

最後，紅、橙、紫，就可以增強異性緣，特別是女士嘅異性緣。再加上如果想催旺工作運，紅、橙、紫依啲顏色，喺豬年都會比較有利。

Photo from shutterstock

化解犯太歲：

化解太歲嘅方法，一般最直接，如果你冇宗教信仰嘅衝突，可以直接去寺廟攝太歲。又或者可以喺農曆的四月、十月，嘗試捐血、洗牙化解。

Photo from 黃大仙祠

或者身上帶一些同老虎有關連嘅飾物，例如老虎形嘅相、擺設或者公仔、卡通都得，放喺銀包或手機套，全部都可以嘅。

Photo from shutterstock

不利結婚月份/生肖：

今年最大機會結婚嘅生肖，就係屬龍、狗同沖太歲、合太歲嘅，沖太歲就係屬蛇，合太歲就係屬老虎。呢四個生肖，都係容易有結婚嘅變化。

Photo from shutterstock

有沒有一些月份可以留意一下。其實結婚就個個月都得，不過有啲月份就相反可以留意，可以嘅話就盡量避免一下，就係農歷的四月同農歷十月，皆因月份和年份係有相沖或相刑。如果可以就避開呢啲時間，咁就更加好喇！

唔知以上方法幫唔幫到大家呢～不過都要同大家講句風水嘅嘢信則有不信則無！

Text: Holiday Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）