全世界最難到達嘅地方「皮特肯群島」！只得48個居民嘅群島？！

現今科技咁發達，坐飛機基本上大部分地方想去邊就可以去邊，
但原來事實並唔係咁架！
皮特肯群島就係其中一個例子啦！

Photo from Wikipedia

皮特肯群島（Pitcairn Islands），係一個由4座島嶼組成嘅南太平洋群島，
其中只有第二大島嶼皮特肯島有人定居！

Photo from shutterstock

皮特肯群島距離最近有人居住嘅島都有幾百公里，島上無機場，所以去該島嘅唯一方法就係搭船。
如果係香港出發，可以選擇去日本東京或者紐西蘭轉機去到大溪地，而靜係去到大溪地都已經差不多18個鐘。

Photo from shutterstock

跟住你需要係大溪地再轉機飛去曼加雷瓦島，航班每星期只得一班，大約需要坐5個鐘。
呢個已經係距離皮特肯群島最近嘅機場，之後你需要搭船先到。
但係每幾個月只有一艘船航行，如果上到船足足要30小時先可以到皮特肯群島。
不過有啲旅行社都有代辦去皮特肯群島嘅行程～

Photo from visitpitcairn.pn

島上居民都係英國皇家海軍邦蒂號上嘅叛變船員和大溪地人嘅後裔，呢段具有傳奇性嘅歷史已經被寫成小說，並被拍成多部電影。
1788年，邦蒂號從英國出發航向太平洋去收集麵包果植物，用黎供應西印度群島奴隸嘅飲食。
喺大溪地停留咗五個月後，邦蒂號船員迷上大溪地人嘅生活，所以唔願意離開。
喺離開充滿享樂嘅大溪地僅僅23日，變節者就奪取咗邦蒂號嘅控制權並將上尉同18個追隨者放逐到一艘小船上面。

Photo from http://www.immigration.gov.pn/

後來上尉千辛萬苦終於返左英國，變節者為咗躲避追捕，佢地就逃去皮特肯島，
然後佢地係當地燒毀同整沉咗邦蒂號。

（小編公告：如果讀者有任何關於美食、旅遊、玩樂、或者任何新奇有趣事物嘅資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）