專訪：被譽為日本Ariana Grande超實力R&B女唱將～16歲出道 2年火速冒起！新出大碟《NEO》～

呢位係日本嘅R&B小唱將叫RIRI，來頭絕對唔惹小嫁！出道2年就迅速係樂壇冒起，更有被譽為係「日本Ariana Grande」嘅名銜！

Photo from Sony Music Japan
同大家介紹下先！呢位小唱將叫RIRI，主打POP同R&B嘅歌曲，又唱得又跳得～原來只係得18歲咋！被發掘之後，早係16歲嘅時候就係LA同唔同製作人合作。
年紀輕輕目標好明確，就係以世界舞台作為目標！

我地PressLogic Holiday假期日誌就當然要捉住呢位超新星做個訪問啦！

問到RIRI其實幾歲開始愛上R&B同Pop Music，RIRI就話：「其實好似自出娘胎就愛上音樂喇，因為媽媽由細到大都會播音樂比我聽。」RIRI更笑言：「好似3歲有意識開始就已經想做歌手喇，估唔到夢想真係可以成真～」

係2016年6月手就推出左首張派台單曲-"COLOR ME"，同年同月亦陸續推出第二、第三張單曲"GOLD"同"Yes Be Free"，"GOLD"更係派台後拎左iTunes R&B/Soul排行榜第1位！2016年就擁有自己第一張細碟"I love to sing"。

過左半年係2017年6月就已經推出第二張細碟"RUSH"，同樣拎到iTunes R&B/Soul排行榜第1位！實力有目共睹～
Photo from Sony Music Japan

係2018年係RIRI重要嘅一年，一口氣推出左兩張大碟。分別係2月推出第一張同名大碟《RIRI》同11月推出嘅《NEO》！
Photo from Sony Music Japan

「今次出第一隻大碟，自己都好緊張～每一個細節都會想參與，今次真係將自己全副心機都投放係入面！希望粉絲都會聽得出我呢隻BEST OF THE BEST嘅努力～」
Photo from Sony Music Japan

《NEO》呢隻碟係RIRI親自命名嫁！NEO，有嶄新嘅意思。寓意RIRI想向前踏出一大步，將自己嘅音樂帶到去世界每個地方。

原來RIRI為左今次嘅唱片，佢仲遠赴LA進行維期三個月嘅錄音同製作，每日都同唔同製作人同作詞家合作學習寫歌。
Photo from Sony Music Japan

不得不佩服呢個超新星，只係年僅18歲，就離開屋企3個月～為左今次嘅唱片，遠赴LA進行維期三個月嘅錄音同製作，每日都要同唔同製作人同作詞家合作學習寫歌。
當中RIRI都流露出要離鄉別井嘅homesick～
「每日雖然好有挑戰性，但始終第一次離開屋企，homestay期間都有掛住屋企嫁。而且每日身邊接觸嘅都係大人，係精神上感受到自己迅速成長！」

RIRI年紀輕輕成名不過就非常謙虛，提到佢被外界視為「日本小Ariana Grande」，佢就話真係發夢都估唔到啊！希望自己朝住呢個目標更加努力！

值得注目係Album入面仲有一首歌《Forever》係同清水翔太合作嫁！「雖然我地兩個嘅schedule都太緊密，同清水翔太前輩無好多時間慢慢夾歌～不過好似音樂一播，大家就好有默契地完成首歌，呢個感覺真係好幸福啊！」

RIRI更表達：「希望係20歲之前，就可以踏足日本嘅大場館開一個屬於自己嘅演唱會！」粉絲們絕對值得期待啊！

訪問當日，小編更加有幸聽到RIRI清唱幾句，聽完真係覺得呢個《日本Ariana Grande》係實至名歸嘅！

Text: Holiday Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）