《大叔的愛》第二季確認！預計今年年中播出！春田田再譜新戀情？

日本BL神劇《大叔的愛》喺舊年播出嘅時候熱爆全亞洲，而「大叔的愛」更加成為2018年日本十大流行語添！香港都同樣有唔少劇迷。

有見《大叔的愛》咁受歡迎，日本朝日電視台琴日宣佈將會開拍《大叔的愛》續集，預計年中播出，現時仲未決定演員陣容同故事內容，不過外界預計續集內容可能會同電影版有關。

Photo from 《大叔的愛》

電影版預計會喺今年夏天上映，今次故事背景更移師至上海，原班人馬飾演春田田嘅田中圭、阿牧林遣都，同部長吉田鋼太郎等等早前已經去咗上海取景拍戲。

Photo from 《大叔的愛》

據了解，電影版情節係發生喺劇集之後，春田田同阿牧有情人終成眷屬，展開同居生活，電影版仲會有另一位大叔同埋其他新角色登場。

Photo from 《大叔的愛》

Photo from 《大叔的愛》

既然劇名叫《大叔的愛》，大家可以期待第二季可能會有更多嘅大叔出現啦～

Text: Holiday Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）