情緒低落卻以微笑掩飾 患「微笑抑鬱症」6大特徵!請勿忽視身邊所謂「開心果」朋友!

情緒低落卻以微笑掩飾 患「微笑抑鬱症」6大特徵!請勿忽視身邊所謂「開心果」朋友!

社會熱話 生活熱話
ByJackieon23 Aug 2019

人越長大越要獨自面對世上所有煩惱與難關,對社會甚至自己嘅期望落差,令「假笑」又或「強顏歡笑」不知不覺成為一種都市問題。

而「微笑抑鬱症」看似小事一樁,但其實越嚟越備受重視,更成為咗情緒病一種!參考以下6大罹患「微笑抑鬱症」特徵,一同正視自己嘅情緒健康,從成長中學會放鬆心情!

Shutterstock
Photo from Shutterstock

根據《Independent》報導,接近一半嘅抑鬱症患者表面睇落都係心情開朗、樂觀,所以予人一種樂觀開朗嘅性格,並唔代表無情緒問題。而「微笑抑鬱症」被歸類於「非典型抑鬱症」中,意指喺情緒低落時,以微笑掩飾自己抑鬱嘅人,看似過着快樂嘅生活,但其實內心充滿負面情緒。而擁有以下特徵嘅人,都好可能患有「微笑抑鬱症」!

Shutterstock
Photo from Shutterstock

1. 每到寂靜嘅晚上,抑鬱感來襲卻感到舒暢

雖然孤單嘅夜晚容易令人感到寂寞,但對於「微笑抑鬱症」患者而言,晚上可以獨自喺床上或家中,毋需再面對社交活動,無形中換嚟一刻舒暢。

Shutterstock
Photo from Shutterstock

但往往抑鬱感隨即而來,亦開始要正視自己負面情緒,而且寧靜嘅夜晚都會令人不自覺思考哲學、人生問題,無休止嘅思考令自己變得更為傷感,但患者通常會堅持思考問題,甚至會聽一啲悲情音樂以釋放自己嘅負能量,看似放鬆但其實變成另類折磨。

Shutterstock
Photo from Shutterstock

2. 常被大班朋友當成「開心果」,但返到屋企總有莫名嘅落寞感

患有「微笑抑鬱症」嘅人通常喺一大班朋友面前,都會表現得份外樂觀開朗,而且會全程投入其中,常被視為「開心果」。不過同朋友道別之後,悲傷感瞬間湧現,想法變得負面,開始對周遭事物有種難以言喻嘅失落感。但當再面對大班朋友時,又會有種極為樂觀、積極嘅表現。

Shutterstock
Photo from Shutterstock

3. 常擔心自己成為別人負累

「微笑抑鬱症」患者以笑容作自我保護機制,失意時仍選擇向他人展露笑容,而非尋求協助,係由於害怕自己會成為他人眼中嘅負累,即使重要嘅朋友或親人發覺有唔妥而作出慰問,患者好多時都會報以一句「我無事」,用笑容掩飾自己嘅悲傷

Shutterstock
Photo from Shutterstock

4. 容易因他人評價或拒絕而受傷

好多人都會重視他人對自己嘅評價,想予人一種好印象實屬正常表現,但「微笑抑鬱症」患者對他人評價特別敏感,即使係別人不經意講出一句對自己嘅負面印象,甚至只係講笑,都會深深印喺患者心中,認為自己就係咁失敗。

Shutterstock
Photo from Shutterstock

而且當受到他人拒絕時,負面情緒亦會立即湧現,開始怪責自己做得唔好,即使與自己無關都總會覺得係自己做錯。

Shutterstock
Photo from Shutterstock

5. 朋友很多卻有覺找不到傾訴對象

「微笑抑鬱症」患者將負面情緒藏於心底,常以「開心果」形象示人,樂觀性格令你擁有一大班朋友,但當自己情緒出現問題時,又唔敢向朋友傾訴,覺得自己無適合嘅傾訴對象。而且會覺得「流淚」係弱者行為,唔希望展現喺朋友眼前或畀朋友知道,往往因此而鎖上內心嘅大門。

Shutterstock
Photo from Shutterstock

6. 興趣及嗜好廣泛,但真正令你放鬆嘅開心事則非常少

「微笑抑鬱症」患者不乏興趣及嗜好,甚至生活非常充實,但充實並不等同快樂。患者好難講出一樣真正令自己開心嘅事,反而當下感覺越有趣嘅事物,回歸一個人時便越感空虛。例如即使鍾意去旅行,旅行途中仍無法放鬆心情好好享受,獨自返屋企時更會倍感寂寞。

Shutterstock
Photo from Shutterstock

請勿忽視身邊的「開心果」朋友
好多「微笑抑鬱症」患者表面睇嚟都係積極樂觀,而且會喺社交平台分享自己快樂、微笑嘅畫面,但實際上係掩飾悲傷。所以大家唔好忽視身邊經常擔當「開心果」嘅朋友,每個人都有面對順逆嘅時候,即使係「開心果」都有失落嘅時候,見到朋友面對逆境,或者情緒不穩定,例如情緒有時高漲有時低落,記得要主動關心別人,多啲陪伴同慰問,共同面對困難!

Shutterstock
Photo from Shutterstock

若然無法好好控制個人情緒,又或者抑鬱情緒久久未能改善,記得要盡快求醫,尋求醫生或專業人士嘅協助啦!

圖片來源:Shutterstock

Text: Holiday Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

Share to Facebook