百味堂新品抵港!「便便」朱古力牛奶雪糕+5款新口味牛奶忌廉麵包下午茶必食！

呢款韓國大熱嘅百味堂朱古力牛奶雪糕早於3月初係太古城店獨家出售！好消息呀！住九龍、新界嘅朋友唔洗再山長水遠去太古城食啦～朱古力牛奶雪糕將於下星期一起係K11店、海港城店全線發售！另外3月21日起，仲有5款全新口味嘅牛奶忌廉麵包!而太古城期間限定店亦將特別推出濟州抹茶紅豆牛奶雪糕。

Photo from 百味堂

趣怪造型「朱古力牛奶雪糕」($58)
呢款韓國大熱嘅百味堂朱古力牛奶雪糕由於全啡嘅顏色同獨特外形同質感，賣相極似「便便」...因此十分受歡迎！雪糕係用比利時名牌、可可濃度達80%嘅Callebaut朱古力炮製，加上有機牛奶，令可可味濃厚又充滿奶香；質感保持滑溜，味道濃郁亦唔會太膩。而且工匠更會即席刨上黑朱古力碎，朱古力味即時double up，倍增口感！

Photo from 百味堂

Photo from 百味堂

濟州抹茶紅豆牛奶雪糕 ($82)
百味堂嘅濟州抹茶牛奶雪糕一向深受歡迎！所以太古城期間限定店將特別推出濟州抹茶紅豆牛奶雪糕。用濟州抹茶粉炮製的抹茶汁相當濃郁;紅豆同樣來自濟州，少量嘅紅豆帶出抹茶嘅香，再用特製養生鍋慢煮3小時，香甜帶沙之餘亦不失口感，同抹茶果然絕配！

Photo from 百味堂

仲有5款全新口味嘅牛奶忌廉麵包將於3月21日起陸續登場！每天會有2款隨機輪流登場！

濟州抹茶紅豆牛奶忌廉麵包 ($42)
呢款忌廉麵包係用有機牛奶製造，而且加入濟州抹茶粉，令味道散發著抹茶嘅香濃;而包餡嘅牛奶忌廉同樣加入濟州抹茶粉，突出茶味，甜度適中唔會膩，再加抹茶嘅最佳拍擋「紅豆」，由濟州黎啦，令成個忌廉麵包嘅口感更豐富！

Photo from 百味堂

竹炭黑芝麻牛奶忌廉麵包 ($42)
呢款全黑忌廉麵包，係用竹炭粉製造，比人造色素更加天然;麵包鋪滿黑芝麻，粒粒芝麻增加口感;內餡採用日本芝麻醬加上工匠秘方煮成，令香濃黑芝麻餡更細滑，芝麻控必試!

Photo from 百味堂

另外3款分別係濟州紅豆、意大利軟芝士(Mascarpone Cheese)和意大利軟芝士紅豆牛奶忌廉麵包，款款都係$42，下午茶又可以多個選擇啦！

百味堂
太古城期間限定店
地址: 太古太古城中心 1 樓 Area 113
電話: 5205 1327
營業時間:11:30am-10pm
期間限定店營業日期：3 月至 5 月底

K11店
地址: 尖沙咀河內道18號K11購物藝術館B1樓B101A號舖
電話: 5501 8627

營業時間:星期日至四10:30am-10:30pm;星期五、六及公眾假期前夕10:30am-11pm

海港城店
地址: 海港城海運大廈OT264號舖
電話: 21559826
營業時間:12nn-10pm

Text: Holiday Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）