突破想像界限 親手打造「你」想城市

講起理想城市，唔少人都會提到交通方便、有完善配套設施等，但你有冇諗過樓宇安全先係打造理想城市嘅最重要基礎？有冇見過屋企天花有石屎剝落？外牆排水渠爆裂，導致有衛生問題？呢啲樓宇問題正正影響我哋居住環境，要住得舒適、住得安全，唔係靠一人之力，依家就畀大家發揮小宇宙，畫出「你」想樓宇，親手打造「你」想城市！

屋宇署聯同香港教育城合辦一個明信片設計比賽，旨在提升大家對樓宇安全同居住環境嘅關注同責任感。

Photo from 屋宇署

邊個話畫畫只係可以用紙、筆？大家仲可以用電腦繪畫、插畫、速寫、油畫、水彩、粉彩同素描等各種方式畫出香港樓宇面貌，最緊要係帶出樓宇安全嘅4大重要元素：結構安全、消防安全、環境衛生同公眾安全！

Photo from PressLogic

你哋可以按105 x 150mm嘅比例將作品畫喺一張A4紙上，點畫、用咩畫都係隨你鍾意～畫完之後，你哋仲可以喺作品上加入中文或英文標語，用文字為你嘅作品畫龍點睛，加添生動元素。值得一提嘅係，你交明信片設計嘅時候，你要喺參賽表格嘅「創作理念」說明作品嘅設計概念，解釋作品係點樣演繹樓宇安全4大重要元素！

Photo from PressLogic

參加比賽就係發揮自己小宇宙嘅平台，目的都係希望自己可以得到認同獲獎！呢個明信片設計比賽嘅終極大獎就係一部平板電腦！畫得好、畫得靚固然重要，但摸熟評分準則嘅話，就大大增加自己攞獎嘅機會啦～

佔得最重嘅就係要貼題（40%）、整體構圖就佔30%，而你嘅創意技巧同用文字說明創作理念嘅比率加埋30%。換句話說，只要你貼題同你嘅構圖夠出色，已經贏咗大部分！

Photo from 屋宇署

 講完明信片設計比賽嘅參賽要求之後，梗係要話埋截止日期畀你知啦！有興趣參加嘅你一定要記住2019年6月30日！嗰日係比賽截止日期（郵寄以郵戳時間為準），過期遞交嘅參賽作品就唔會受理啦。除咗郵寄之外，你仲可以網上遞交作品。你上香港教育城就可以交咖啦～網址係：https://bit.ly/2I886Fq！有得上網交，咁就方便得多啦！

6月尾交咗作品，大概8月就會有結果，到時主辦機構就會個別聯絡各個得獎者。

想知更多比賽詳情，可以Click 入：http://bit.ly/2FEI768 ！

各位畫畫鬼才，It's your show time！把握機會透過你超強畫功，畫出「你」想樓宇！仲有...4月27日喺中環大館有樓宇安全週嘅開幕盛典，有唔同樓宇安全知識畀你慢慢吸收，當日更接受即場交作品添～希望到時可以見到大家！

為咗將來能夠生活舒適、安全，大家一齊同心協力打造屬於我哋嘅理想城市！

Photo from PressLogic

Presented by: 屋宇署