心靈洗滌之旅！台灣日月潭私密秘境民宿-八番私人住宅

台灣係唔少香港人嘅後花園，一有時間就會快閃依個地方。加上當地有唔少特色民宿，真係啱晒想體驗當地文化嘅你！

而依間喺2018年6月先開嘅-八番私人住宅 Residence 8嘅民宿，絕對可以令你有一個心靈被洗滌嘅感覺。

Photo from 八番私人住宅【Residence 8】

民宿位於日月潭貓囒山腳嘅一個私人秘境之中，通往民宿嘅叉路唔明顯，大部分人都會走錯或搵唔到，所以老闆成日都要去親自帶路接客人到民宿。

Photo from 八番私人住宅【Residence 8】

民宿主張「崇尚自然與疼惜大地」，希望可以將最貼近自然嘅旅行體驗同大家分享，更希望能將他們對環境的理念。

Photo from 八番私人住宅【Residence 8】

獨棟嘅白色外觀，唔講真係唔會知道依間係民宿嚟，而民宿嘅主人就住喺旁邊嘅古舊平房中，方便人客有需求時可以隨傳隨到。

入到民宿入面，又係另一個境界，屋內大部分裝潢以木製為主，木頭嘅香氣撲鼻而嚟，就好似身處森林之中一樣，滿滿嘅芬多精，加上裝潢簡約溫暖舒適，冇酒店嘅冷冰冰感覺，反而多咗一種返到屋企嘅自在感。

Photo from 八番私人住宅【Residence 8】

Photo from 八番私人住宅【Residence 8】

入住時客人會收到一張貼心提示咭，裡面會寫住一些注意事項，如：Wi-Fi密碼、緊急聯絡電話、22:00以後需保持安靜、全館禁菸、設備損壞需照價賠償等等嘅事項。

Photo from 八番私人住宅【Residence 8】

民宿嘅房間分為雙人套房同四人套房兩種，價值由4,080台幣至8,990台幣之間，以入住時間及房型而定。

Photo from 八番私人住宅【Residence 8】

每間房都有設計師喺牆上創作壁畫，而盥洗用品屋主都選用天然無害嘅品牌，完全符合佢哋追求環保嘅精神。

Photo from 八番私人住宅【Residence 8】

Photo from 八番私人住宅【Residence 8】

Photo from 八番私人住宅【Residence 8】

從房間嘅窗外望出去，眼見都係滿滿嘅綠色植物，感覺就好似睇古代人隱居喺山林中一樣，感覺隨時都會有動物從林中走出嚟咁。

Photo from 八番私人住宅【Residence 8】

Photo from 八番私人住宅【Residence 8】

喺交誼廳嘅餐枱上屋住仲會好貼心咁擺有穀粉茶飲、精釀啤酒貼水果乾畀大家品嚐。

Photo from 八番私人住宅【Residence 8】

Photo from 八番私人住宅【Residence 8】

仲有一樣更係大家入住時一定要試吓嘅，就係屋主嘅廚藝，屋主曾經喺泰國進修，對各國料理都頗有研究，除咗擺盤靚之外，食材上全都係新鮮養生，令你味覺上都可以有5星級嘅饗受。

而且民宿採冇菜單料理，只要你有咩想吃都可以同屋主預約，及預先傾好價錢，就一定可以令你有滿滿嘅驚喜。

Photo from 八番私人住宅【Residence 8】

另外，民宿外面仲有17個營地，如果想露營都冇問題呀。

Photo from 八番私人住宅【Residence 8】

如果想放鬆畀自己同家人一個悠閒嘅假期，遠離繁囂完全沉浸喺靜謐嘅大自然之中，依度一定你嘅不二之選呀！

八番私人住宅 Residence 8

地址：南投縣魚池鄉中山路270巷8號
聯絡專線：049-285-6737／0975-829-838

Text: Holiday Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）