6至7月期間限定：薰衣草紫色花海免費入場！2019年河口湖香草節懶人包！

步入夏天，又到咗花季嘅好時節！如果要數最夢幻嘅賞花地點，富士山下河口湖區必定榜上有名！皆因每年嘅6月中旬至7月中旬期間，都係薰衣草綻放嘅花期！喺花季期間，呢度仲會舉辦大型活動「河口湖香草節」，範圍橫跨河口湖畔全區域，而且仲係免費入場！！即刻睇下點樣去啦～～

Photo from PressLogic

「香草節」以河口湖畔嘅八木崎公園、大石公園為主要會場，場內同時亦有其他香草植物、繡球花等多種花卉盛開。喺度同薰衣草影相真係超靚，超夢幻呀！

Photo from PressLogic

當中，大石公園更加係唔少人必到嘅首選熱門地點！整片紫色花海搭配埋富士山做背景，絕對係河口湖夏季必睇靚景！

Photo from PressLogic

好彩嘅話，清晨嚟到仲可以睇到有薰衣草做前景嘅逆富士呢！

Photo from 富士急行官網

Photo from PressLogic

至於距離大石公園約10分鐘車程嘅八木崎公園，同樣擁有無盡嘅薰衣草田！藍天白雲配上一望無際嘅薰衣草田，令人有仿如置身喺仙境嘅感覺～～

Photo from 富士急行官網

喺為期一個月嘅薰衣草花季期間，兩個會場都會喺週末舉辦多項活動，好似售賣薰衣草幼苗，同香草製成嘅特產，例如薰衣草雪糕等甜品。一場嚟到，記得唔好錯過呀！

Photo from PressLogic

河口湖香草節詳情
入場費用：免費

八木崎公園
地址：山梨県南都留郡富士河口湖町小立897番地の1 先
舉辦日期：2019年6月14日（週五）～ 7月7日（週日）
交通方式：由河口湖站乘搭周遊巴士（綠色線）到八木崎公園站下車（車程約10分鐘）

大石公園
地址：山梨県南都留郡富士河口湖町大石2585-2 地先
舉辦日期：2019年6月14日（週五）～ 7月15日（週一・日本國定假日）
交通方式： 由河口湖站乘搭周遊巴士（紅色線）到河口湖自然生活館下車（車程約30分鐘）

＊持有富士箱根周遊券者，可免費乘搭以上巴士線

Text: Holiday Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）