download HolidaySmart 假期日常 app
曾爆出多次是非 SJ強仁IG宣佈退出組合:放下這個名字,未來將獨自走下去

曾爆出多次是非 SJ強仁IG宣佈退出組合:放下這個名字,未來將獨自走下去

生活熱話 娛樂新聞
By Celia on 11 Jul 2019
Digital Editor

韓國人氣男團Super Junior(SJ)今年所有團員都開始服完兵役,終於可以整體準備回歸一事。

廣告
廣告

不過今日就有團員突然喺IG宣佈退出嘅消息呀!

強仁IGPhoto from 強仁IG

現年34歲嘅SJ成員強仁曾多次爆出是非,早喺2009年就因打交及酒駕後肇事逃逸而急入伍避風頭,到2016年又爆出二度酒駕及打女友嘅爭議,之後更全面暫停演藝工作。


在 Instagram 查看這則貼文

어제 같은데 이제 내동생이 가는구나...

강인(@kanginnim)分享的貼文 於 張貼

雖然早前佢曾低調復出拍攝網劇《未來發生的事》,但依然引嚟粉絲嘅不滿,更喺網上發聲明要求佢同另一位成員晟敏退隊,並抵制SJ嘅活動。

強仁IGPhoto from 強仁IG

直到今日強仁就喺IG宣佈退出SJ,並寫道:「大家好,我係強仁,真係好耐冇同大家分享近況,但因為係壞消息,所以我心情都好沉重,考慮咗好耐先上載呢段文字。我將會放下一直跟咗我好耐『Super Junior』呢個名。一直以來都對隊友感到抱歉,雖然想快啲下定退出嘅決心,但隊友一直對於我嘅支持、應援及包容,令我難以下決定,亦唔係我獨自一人就能決定。但因為我嘅關係,令隊友都受到以前未受過嘅對待,一直喺隊友身旁睇住佢哋嘅我,認為唔可以再猶豫不決。最重要係,對於14年來喜愛我嘅粉絲,我深感抱歉。對於未來,將會以感激、抱歉嘅心繼續一人出發。直到最後仍照顧我嘅隊友、公司職員,真心感謝你哋,未來亦會一直為你哋應援。」

而強仁所屬嘅SJ Label事務所就表示會尊重強仁嘅意願,而他與事務所未完成嘅合約則不會受影響。

Text: Holiday Editorial
(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel