【區區遊】尖沙咀老香港懷舊打卡點 又玩又食打卡必去! 隱藏於博物館中
以為嚟到尖沙咀得博物館、太空館可以玩？只可以說少年你太年輕了！喺歷史博物館除咗得香港歷史呢啲展館可以睇之外，仲開咗一間好有老香港風味嘅懷舊餐廳，除咗好啱影相打卡之外，仲係社企扶康會打理嘅餐廳，為10幾名殘疾人士提供就業服務，咁有意義，當然要支持吓啦！
嚟到門口，就見到一個相當sharp醒嘅霓紅招牌，相當有懷舊嘅味道。
另外門口仲有一個舊式嘅茶檔，唔少人都好鍾意喺到打卡！
餐廰由著名設計師黃炳培（又一山人）操刀，難怪舊得嚟又有一種時尚嘅感覺。呢度分冰室同茶樓兩大區。喺茶樓嗰邊就會有成日係電影見到嘅綠色窗花同鳥籠，而冰室嗰邊就會有懷舊留聲機同黑白電視機等等，都好有feel架，好啱打卡。
嘢食方面，雖然都係普通常見嘅食物，不過製作都好有心。好似沙嗲牛肉麵，沙嗲味濃而不鹹，牛肉都好大塊。
雞翼薯條都好大份，夠晒足料！
另外仲有菠蘿油、魚柳飽做下午茶都唔錯架！
小編畸田就最鍾意呢度嘅奶茶，茶味平均，唔太淡又唔會澀，而且奶味又夠香夠滑。
最後餐廳後面有一幅好多嘅老香港街頭油畫，唔好唔記得臨走前去影相呀！
地址：尖沙咀漆咸道南100號香港歷史博物館1樓
開放時間：星期一、三至五 上午10時至下午6時、星期二休息、星期六、日及公眾假期上午10時至晚上7時
電話：2412 3155
Text: Holiday Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
HolidaySmart 假期日常長期歡迎大家投稿～我哋會為你開一個個人帳戶作發表文章之用。文章類型包括美食、旅遊、玩樂等同HolidaySmart 假期日常相關既事物～投稿可以傳送到 holiday@presslogic.com比小編檢查一下先，記住要附上100字內自我簡介。 另外文章一經採用，編輯將會進行潤飾。期待你哋既大作啊！
👉🏻 即刻Follow我哋Instagram holidaysmart.hk