日本京都祇園花見小路禁止影相!違者罰1萬日圓 因部分遊客之不文明行為

日本京都祇園花見小路禁止影相!違者罰1萬日圓 因部分遊客之不文明行為

旅遊攻略 旅遊新聞
ByJennifer on 28 Oct 2019 Digital Editor

日本京都充滿古代氣息,係好多香港人日本旅遊目的地。而京都除咗伏見稻荷神社、清水寺之外,祇園花見小路都係熱門嘅旅遊景點。

全年都有唔少旅客前往,更少不得要影相留念啦!

不過以後就唔可以咁隨便影喇!因為祇園町南側地區協會宣布由即日起禁止喺私人道路拍影相。

日本京都祇園花見小路禁止影相
Photo from PressLogic

祇園花見小路都係充滿傳統氣息嘅建築,有商店、餐廳,亦都有民居,平時亦會有藝妓、舞妓喺路上行過。

日本京都祇園花見小路藝妓、舞妓路過
Photo from PressLogic

隨住遊客數量漸多,有部分旅客唔守秩序,唔止闖入私人地方影相,甚至會影路過嘅藝妓、舞妓,影響到住喺附近嘅居民。

廣告
廣告

為咗避免對附近居民造成滋擾,於是就立告示提醒遊客唔好擅自喺花見小路私人道路上影相,國土交通省亦都同京都市政府合作,喺上月起試行喺花見小路一帶向旅客手機send禮儀信息,提醒佢哋未經許可唔好擅自影藝妓、舞妓同進入私人地方。

日本京都祇園花見小路禁止影藝妓、舞妓
Photo from PressLogic

不過成效似乎唔大,於是祇園町南側地區協會決定豎立新告示牌,提醒遊客未經許可唔好喺花見小路私人道路上影相,違者將會罰1萬日圓(約港幣$721)。

日本京都祇園花見小路禁止影相違者罰1萬日圓
Photo from PressLogic

新例已經喺10月25號生效,大家以後去花見小路要留意喇!

Text: Holiday Editorial
(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

Share to Facebook