第四屆澳門國際影展暨頒獎典禮 韓星SUHO加持 矚目展映率先睇

第四屆澳門國際影展暨頒獎典禮 韓星SUHO加持 矚目展映率先睇

澳門旅遊
ByMag on 28 Nov 2019 Digital Editor

「澳門國際影展暨頒獎典禮」已踏入第四屆,並將於12月5日至12月10日隆重舉行!影展由澳門影視製作文化協會同澳門旅遊局主辦,藉此表彰亞洲電影藝術工作者嘅貢獻,同時讓觀眾接觸世界各地嘅矚目電影,絕對澳門嘅影壇盛事!今年影展及頒獎禮亮點多多,不但陣容鼎盛,更會展映50多部中外鉅作!就等小編同大家了解吓啦!

一如以往,出席影展嘅明星陣容全部都份量十足!今年不但有劉嘉玲、法國影后Juliette Binoche等中西影壇巨星,最令人驚喜嘅係韓國男團EXO隊長金俊勉(Suho)都會擔任明星大使!Suho除咗喺K-pop樂壇上屢創佳績,佢近年喺韓國電影同劇集中都有所成績,係國際影壇嘅後起之秀!此外今屆影展大使都來頭不少,包括有港人熟悉嘅韓國《與神同行》導演金容華、《地久天長》導演王小帥及印度電影大師Karan Johar。

MGTO
Photo from IFFAM

MGTO
Photo from IFFAM

影展除咗星光熠熠,節目仲相當精彩!期間將會上映超過50部中西電影,放映環節包括開幕及閉幕電影、銀幕盛會、十面埋伏、環球影展全覽、新華語映像、導演視覺、特別展映、20週年澳門特別展映等,更有多國電影參與國際競賽單元、短片競賽單元等比賽,相當多元化!不得不提嘅係今年由陳可辛擔任評委會主席,率領團隊評審同挑選高質素電影,部份更未喺香港上映,俾大家先睹為快!

影展電影精選:
開幕電影:《陽光兔仔兵》
電影榮獲多倫多影展「觀眾票選獎」及「伊伯特導演獎」,被外媒視為奧斯卡大熱。故事講述小男孩喺二戰時間,接受納粹德國洗腦教育下嘅奇趣經歷,有《雷神奇俠3:諸神黃昏》導演Taika Waititi自編自導自演希特拉,同埋性感女神Scarlett Johansson演繹人母。香港要等到出年1月先上映,澳門而家就有得睇啦!

MGTO
Photo from IFFAM

新華語映像:《少年的你》

今年新增嘅新華語映像環節,係由顧問團隊花了一年時間,挑選出6部2019年上映嘅最佳華語電影。當中曾國祥執導、張冬雨主演嘅愛情小品《少年的你》,喺內地上映短短7日票房即破8億票房!香港朋友想欣賞嘅話就要把握機會啦!

Photo from IFFAM

特別展映:

由藝術總監及評審團主席挑選,當中短片“The Present”(南韓) 更由Suho演出,粉絲們點能夠錯過?

Photo from IFFAM

《媽閣是座城》 “A City Called Macau”(中國內地)

“The Present”(南韓) - 明星大使金俊勉(Suho)出演短片

《闖入者》 “Red Amnesia”(中國內地) - 以表揚中國導演王小帥影視成就

  “The Truth”(日本/法國)

閉幕電影:《麥路人》

香港社會熱話電影《麥路人》將會透過今次影展作港澳首映!城城喺戲中大膽演繹「麥難民」一角,早前更喺「倫敦東亞電影節」勇奪最佳男主角。

MGTO
Photo from IFFAM

另外,適逢澳門特別行政區成立20週年,今屆影展特別呈獻「20週年澳門特別展映」單元,大家可以欣賞5部澳門本土嘅創作電影,認識不一樣嘅澳門文化!

Photo from IFFAM

MGTO
Photo from IFFAM

有興趣嘅朋友可以由即日起,喺澳門廣星售票網查詢同預訂電影門票!所有電影將於澳門文化中心、澳門旅遊塔、戀愛・電影館及澳門舊法院大樓放映,大家除咗可以透過澳門售票網購買電影門票,於影展期間亦可以在各電影播放場地現場購票。門票有限,各位電影控快啲搶飛啦!

第四屆澳門國際影展暨頒獎典禮

日期:12月5日至12月10日

預訂門票:澳門廣星售票網

閉幕儀式及頒獎典禮

日期:12月10日

地點:澳門文化中心

紅地毯時間:晚上6時30分

閉幕典禮:晚上8時正

官方網站: http://www.iffamacao.com

Presented by MGTO

Share to Facebook