雪莉節目組捐出10萬包衛生巾俾基層女性 價值超過$300萬

韓國女團f(x)前成Sulli雪莉上月14號被發現喺身中身亡，終年僅25歲。

佢生前飽受惡評，但仍勇於出演節目展露真實嘅自己。

佢出演嘅專屬真人騷《真理商店》本來正準備拍攝第二季，但佢嘅離去，節目已無法播出。

Photo from SMTown

向來關注女性議題嘅雪莉為咗節目，特登製作出「有機M巾」，本來打算喺節目中即將開設嘅pop-up store度發售。佢曾經喺節目《真理商店》中表示：「如果有有機衛生棉出現就好啦。」

Photo from 雪莉IG

制作組透露，當時雪莉指如果節目完結後仲有餘貨，會將其全數捐出，幫助社會最基層嘅女性群體。

為達成雪莉嘅心願，節目組將價值5億韓圜（約$330萬港幣），近10萬份M巾全部捐出，以延續雪莉嘅愛心。

Photo from SMTown

節目PD提到，雪莉希望低收入家庭女性同青少年都可以方便咁拎到，所以想將有機衛生巾放喺公廁，佢亦都提議過用透明袋裝M巾，俾女性堂堂正正咁拎出街用。

Photo from HolidaySmart

fans知道後非常感動，同時亦感嘆雪莉真係一個善良嘅人，為女性作出好多努力。

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）