15年嚟首次出現財政赤字 政府指會研究支援措施：分期交稅、擴大補貼等

財政司司長陳茂波出席財經事務委員會會議時表示今個財政年度錄得赤字，係繼2004/2005年度後首次。

之前政府就宣布會推出紓困措施，包括撥出款項支持旅遊業。

喺財經事務委員會會議上，財政司司長陳茂波指本港經濟環境變差，稅收同賣地嘅收入減少，加上年中推出嘅紓困措施增加政府支出，政府喺自2004/2005財政年度後將首次錄得財政赤字。

Photo from Now 新聞

佢表示近月嘅社會事件對香港嘅本地生產總值影響達到百分之二，要復元本港經濟，需要各界合作，盡快回復社會秩序。

為咗協助各行各業喺轉差嘅經濟環境下渡過難關，政府計劃再推出紓困措施。

Photo from PressLogic

陳茂波指政府將積極研究分期交稅、考慮開徵間接稅、以及擴大補貼範圍，包括電費、差餉等。

而陳茂波對於李嘉誠基金會撥款支援中小企嘅決定表示歡迎，指政府會採取針對性措施有彈性地幫助業界。

Photo from Li Ka Shing Foundation

佢又話等時機成熟會公布新一輪紓困措施，佢指政府有足夠財政儲備，財政狀況仍然良好。

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）