【荃灣美食】$60平價食火石燒牛扒 Rubberband成員再開分店！任食白飯沙律/平食海鮮餐

Rubberband成員阿偉主理的石燒牛店「神石焼きビーフステーキ專門店」，繼油麻地總店後，最近於荃灣如心廣場開分店，最平$50以下就有交易，新店更供應石燒海產系列，包括有日本池魚、真花魚、金目鯛等，種類豐富！

由Rubberband成員之一阿偉主理的石燒牛店「神石焼きビーフステーキ專門店」，今年年中於油麻地開店，經常大排長龍。新店選址荃灣如心廣場，不但提供石燒牛及豬，更有石燒海產系列，滿足一眾海鮮迷。

Photo from presslogic

店舖以自助形式營業，先在自動販賣機自行選擇肉類，供應7款牛扒、1款豬扒、5款日本魚及1款龍蝦，價錢已包括無限任食沙律、麵豉湯和白飯。新店更有分平日午市及晚市時段，午市價格最平$50就食到，晚市價格則由$80至$350不等，份量選擇有100克至300克不等，如果想平歎石燒系列，不妨選擇午市時段！

Photo from presslogic

出餐前，師傅會先用岩鹽板將牛燒至一成熟左右，再讓客人自己落手落腳燒，再自行控制牛肉生熟度。牛肉款式多，產地主要來自日本、澳洲及美國等地，包括有神石美國頂級牛扒、IBP牛膈肌、美國頂級肉眼扒、美國頂級西冷扒、澳洲M6極黑毛和牛肩胛里肌、澳洲M6極黑毛和牛板板腱、美國金裝M9黑毛和牛西冷、以及日本A5極黑毛和牛肉眼。

Photo from presslogic

最抵食必定要數，神石美國牛扒平市時段最平$60食到，質地軟腍，口感油潤，咬落帶點韌勁。

Photo from presslogic

若喜歡重牛味的話，阿偉推介IBP牛膈肌，牛膈肌則是牛隻橫膈膜肉，味濃爽嫩，多肉汁！另外店舖也有引入由日本直送的日本第一和牛「鹿兒島A5和牛」，輕燒數秒即可食用，密佈油花，滿口油香。

Photo from presslogic

不愛牛的你，也可選擇黑毛豬，食落Juicy，質地鬆軟，肉味濃郁。

阿偉表示餐廳理念就是希望大家可以「平價食到高質食物」，最緊要有得任添白飯、沙律及麵豉湯，食飽就最好！

Photo from presslogic

Photo from presslogic

Photo from presslogic

神石焼きビーフステーキ水產專門店
地址：荃灣大河道98號如心廣場商場二期2樓206號舖
營業時間：星期一至日 11pm-10pm
電話：5726 6543

神石焼きビーフステーキ專門店
地址：油麻地碧街35號地舖
營業時間：星期一至日 12pm-11pm
電話：6652 8897

Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）