香港人有愛！肺炎肆虐 荃灣小店免費派口罩！分大人、中童、小童3個尺寸

武漢肺炎肆虐，香港幾乎每日都有疑似個案新增，引起全城關注。

為避免感染病毒，香港人開始搜購口罩，但由於有好多人搶購，導致口罩貨源不足。

全城搶購口罩，好多地方包括連鎖店、超市等都無晒貨。

延伸閱讀：【武漢肺炎】防患於未然！武漢肺炎＋流感個案持續上升　12個保持良好衛生小貼士

更有藥房趁呢個機會坐地起價，一盒50個口罩售港幣$500，10裝嘅N95口罩更賣港幣$250。

Photo from shutterstock

但香港人有愛，逆市中有小店唔止無加價賣口罩，更免費派口罩。

荃灣友信日韓藥粧喺Facebook出post指：「預防流感，人人有罩?基於現時市面外科口罩供應比較緊張，現本店預留少量口罩可供各街坊免費領取」

Photo from 荃灣友信日韓藥粧

小店仲超有心，分開3種口罩，包括成人、中童（小學生）、小童（幼稚園）派，等大家攞嘅時候更方便。

Photo from 荃灣友信日韓藥粧

小店除咗派口罩外，更有酒精搓手液、可清洗型成人口罩賣，價錢都唔貴。

延伸閱讀：【消委會口罩推介】該選購哪一款口罩？消委會檢測29款口罩　3款濾菌率高於99.9%

Photo from 荃灣友信日韓藥粧

Photo from 荃灣友信日韓藥粧

小店善舉獲讚仍謙虛表示：「本店免費派口罩是件微不足道小事，不足掛齒。最感動是看到很多香港人都好有愛, 都願意留給有需要的之人士取用。其實只要大家注意衛生, 一定可以捱過這關！」

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）