日本東京或引入哈利波特主題樂園！由遊樂場改建！最快2023年開幕！

日本必去嘅主題樂園不得不提東京迪士尼渡假園區同大阪環球影城喇！

近日有日本媒體報導，東京或將引入哈利波特主題樂園！

喺東京練馬區有一個「豐島園」遊樂場，有超過90年歷史，佔地22公頃。

Photo from shutterstock

日媒報導營運商日本西武集團有意於今年開始分階段關閉豐島園，同時美國華納兄弟娛樂公司想租用部分土地建設哈利波特主題樂園。

Photo from Universal Orlando Resort

報導又指雙方可能會喺春天達成協議，如果達成共識，哈利波特主題樂園最快2023年就會落成！

現時全球其有4個哈利波特主題樂園設施，包括位於倫敦嘅「The Making of Harry Potter」、位於美國佛羅里達州奧蘭多嘅「Universal Orlando Resort 環球影城度假村」、位於美國洛杉磯嘅「荷李活環球影城」、以及日本大阪嘅「環球影城」。

Photo from The Making of Harry Potter

Photo from Universal Orlando Resort

據稱今次東京嘅哈利波特主題樂園會同倫敦嘅「The Making of Harry Potter」類似，可以俾旅客親身感受電影中嘅場景。

Photo from The Making of Harry Potter

Photo from The Making of Harry Potter

如果成功落實興建，就會係全球第5個哈利波特主題設施，亦係日本國內第二個～

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）