法國領事館指香港將對部分國家/地區來港人士實施強制隔離檢疫 對象包括香港居民！

武漢肺炎疫情喺全球爆發！特首林鄭月娥早上就指會對由疫情嚴重地區來港人士採取檢疫措施。

【武漢肺炎懶人包】：
香港確診名單｜家居檢疫名單｜病徵｜潛伏期｜口罩供應｜退機票｜房網退訂｜家居消毒

法國領事館於Facebook指香港將於3月13號（星期五）對部分國家、地區嘅來港人士實施強制檢疫，包括德國、法國部分地區、意大利全國，及日本北海道。

法國駐港總領事館公布，接到港府通知，3月13號午夜起，所有由法國勃艮第、弗朗什、孔泰（Bourgogne-Franche-Comté）、大埃斯特地區（Grand Est）、德國北萊茵、威斯特法倫州（région Rhénanie-du-Nord-Westphalie）、意大利全國以及日本北海道來港人士，或於前14天到過以上地區嘅人士，都需要到指定檢疫中心接受14日強制隔離。

Photo from 法國駐港總領事館

措施適用對象包括本港居民及非本港居民，即係話3月13號起從上述地區回港、或抵港前14日曾到過上述地區嘅人士，不論是否香港居民，都要接受14日強制隔離。

Photo from 意大利駐港總領事館

香港居民回港後唔可以喺屋企隔離，而其他國籍嘅來港旅客，亦唔可以喺酒店或居所隔離。

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）