違反印度禁足令　旅客恆河邊散步被罰抄500次「對不起」

新冠肺炎全球持續，各國為咗減低國民受感染嘅機會，紛紛實施封城令/禁足令等措施。

而從上月底開始封城嘅印度，就只限國民外出只可以購買糧食及藥物。當地警察一直以非常手段鼓勵國民待喺家中，如戴上病毒頭盔、鞭打違反封城令司機、罰兔仔跳等。

Photo from TOI Cities

但喺早前喺印度恆河旁就有10名遊客因違反禁足令於瑜伽重鎮瑞詩凱詩（Rishikesh）觀光，而被當地警員要求即場罰抄500次「對不起我沒有遵守禁足令」才獲放行。

Photo from Uttarakhand Post

該10名旅客分別嚟自以色列、墨西哥、澳洲和奧地利等地，當地警察Vinod Kumar指，當發現佢哋被發現喺恆河旁散步，並即時欄截佢哋及表明佢哋已違反禁足令，解釋禁足令期間，民眾只准外出買日用品及藥物等，非必要嘅走動係唔容許嘅。

Photo from TOI Cities

警員為咗令佢哋唔再犯，就決定向佢哋每人派發5張紙，要求即場罰抄「我沒有遵守禁足令，對不起」500次。

Photo from Uttarakhand Post

據了解，現時於印度嘅外國旅客需要當地工作陪同才可離開酒店外出。當地目前有逾700名外國旅客違反封城令，所以希望用依個咁特別嘅手法教訓違反者，希望因此向佢哋發出強烈信息，必須遵守防疫規定。

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）