賭王何鴻燊住院11年！每日醫療費超過100萬！估計至今醫療開支逾10億

賭王何鴻燊今日逝世，終年98歲，佢自2009年喺「四太」梁安琪家中跌倒入院，自此就不時進出醫院。

當時有指賭王跌倒後弄傷頭部，之後亦經常進出醫院接受治療，出入都要輪椅。

而一班子女亦不時去醫院探望，而賭王更經常於醫院度過新年及生日。

有指賭王入院除咗住最高級病房，更有幾位名醫教授為佢診治。

就算出院，為讓賭王接受到更全面照顧，喺家中亦添置唔少醫療器材，又聘請護理隊伍，由擁有專業經驗嘅護士、物理治療師等至少7人組成，24小時貼身照顧賭王。

今年1月，賭王入住養和醫院深切治療部，至今已超過4個月，外界估計每日醫療費用超過100萬！

單係呢幾個月嘅醫療費已接近2億，估計住院11年嚟醫療開支逾10億！

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）