6月限時優惠！挪亞方舟推門票買一送一　同步加推初夏野餐樂住宿套票

最近唔少公眾活動地方、娛樂場所都已經重新開放！

繼早前昂坪360推出限時港人專享嘅半價優惠後，香港挪亞方舟及馬灣大自然公園亦推出6月限時優惠！

Photo from 昂坪360

由即日起至6月30日其中1位入場人士購買成人正價門票（價錢：$198元），即可獲贈1張成人/特惠門票。

Photo from 挪亞方舟

當中包括全港首個大自然主題光影互動展館e-Planet夢想星球、挑戰膽量嘅空中奇遇索道、小朋友放電之選嘅巨型火箭滑梯及空中繩網，仲可以喺方舟花園同大自然公園等戶外打卡影吓靚相呢！

Photo from 挪亞方舟

而場內嘅DIY可愛啤啤熊毛公仔則唔包括在內。

不過提提大家部份活動只於指定日子開放。

另外，挪亞方舟度假酒店亦由即日起至6月30日，同步推出初夏野餐樂住宿套票，套票中除咗提供配備寬闊露台及獨立空調系統嘅酒店住宿客房及海景早餐之外，更可享用全新設計嘅野餐籃午膳套餐，即席步行到酒店外嘅沙灘，品嚐精緻絕倫嘅美點！

Photo from 挪亞方舟

而且，套票仲包括自製可愛啤啤熊公仔，最平豪華雙人客房$998起（以入住日計算）！

詳情可以留意官網！

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）