【提早派錢】政府有意提早一星期開放登記領取1萬元 最快父親節(6/21)可登記!

早前財政司司長陳茂波發表嘅《財政預算案》宣布向年滿18歲人士每人派$1萬！原訂6月28先開放登記，但有消息指會提早至父親節就有得登記～今日就正式向香港市民宣布可以喺6月21日（父親節）開始登記攞錢～登記截止日期至2021年12月31日！最快7月8日就收到錢～係時候諗下筆錢可以點用啦！

Photo from PressLogic

大家可以喺銀行或郵局領取及交回登記表格，亦可以網上登記，全港約700萬人受惠！雖然首個登記日係星期日，但到時超過20間參與銀行嘅分行同郵局都會開門，幫大家處理登記事宜！

Photo from PressLogic

受疫情影響下，經濟大幅下滑，相信如果能夠越早派錢，香港市民就可以儘快受惠！

財政司司長4月喺立法會會議上指，經銀行網上登記會較快收到$1萬，鼓勵未開個人銀行戶口嘅市民，盡快開設個人帳戶。當時佢亦提到，目標喺6月底接受登記，7月內發放，相信大部份合資格嘅市民，可以喺8月底前獲得$1萬。

Photo from PressLogic

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）