本港今年首個肉眼可見彗星!位於東北方向!可能隨時消失

本港今年首個肉眼可見彗星!位於東北方向!可能隨時消失

時事熱話 生活熱話
ByJennifer on 09 Jul 2020 Digital Editor

上月香港就睇到半影月食同日偏食,今個月仲有彗星添!本港今年首個肉眼可見嘅彗星C/2020 F3(NEOWISE),日出前東北方位可見。由於彗星結構唔穩定,可能會隨時消失,大家要把握機會!

喺7月上旬,北半球可以見到彗星C/2020 F3(NEOWISE),多位天文攝影師都喺Twitter分享佢哋影到嘅彗星照。

香港都睇到!彗星NEOWISE係2等星,接近1等星,同1986年嘅哈雷彗星光度差唔多,用肉眼都觀賞到。

可觀自然教育中心暨天文館日前就拍攝到彗星NEOWISE,中心指彗星「日出前東北方可見。天氣良好時有機會肉眼可看得到,使用雙筒鏡享受更佳。」

廣告
廣告

7月初係觀賞彗星嘅最佳時間,因為彗星最光。彗星於2020年7月23日最接近地球,之後就會變成黃昏後西方可見,但光度會不斷變暗,不過估計仍可以肉眼觀察到。

7月初係觀賞彗星嘅最佳時間,因為彗星最光。
Photo from 中央氣象局

現時彗星觀測時段係日落後1~2小時,方位位於西北方向。

彗星嘅結構唔穩定,隨時可能崩解消失,亮度不斷降低,直到8月下旬肉眼就睇唔到,所以想睇彗星嘅就要把握機會喇!

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

Share to Facebook