《便利店新星》原作係19禁漫畫!大膽橋段惹爭議 收6,000宗投訴

《便利店新星》原作係19禁漫畫!大膽橋段惹爭議 收6,000宗投訴

電視電影 生活熱話 娛樂新聞
ByJennifer on 10 Jul 2020 Digital Editor

池昌旭同金裕貞主演嘅韓劇《便利店新星》播出,劇集改編自同名19禁漫畫,劇集亦有多個大膽場面,引嚟韓國網友批評,韓國廣播審議委員會更接獲6,000宗投訴。

網漫《便利店新星》於2016年上架,今年獲韓國SBS電視台改編拍攝,更請嚟人氣演員池昌旭、金裕貞主演。

網漫《便利店新星》獲韓國SBS電視台改編拍攝,更請嚟人氣演員池昌旭、金裕貞主演。
Photo from 편의점샛별이

俊男美女組合都幾吸引,不過原作係19禁漫畫,有唔少兒童不宜場面。

《便利店新星》原作係19禁漫畫
Photo from Webtoon

電視劇一播出即引嚟韓國網民批評,認為喺合家歡時段播唔係好合適,加上女主角金裕貞喺劇中成日著緊身衫、迷你裙,挑逗男主角池昌旭,令人覺得劇集有性暗示。

女主角金裕貞喺劇中成日著緊身衫、迷你裙,挑逗男主角池昌旭
Photo from 편의점샛별이

廣告
廣告

金裕貞係童星出身,雖然已經成年,但「國民妹妹」形象深入民心,喺劇中又飾演未成年少女,佢大膽演出令好多觀眾無法接受。

金裕貞係童星出身,雖然已經成年,但「國民妹妹」形象深入民心
Photo from 편의점샛별이

劇集更出現漫畫中嘅色情交易場面,劇集被狠批「點解要拍成電視劇」、「池昌旭同金裕貞點解要接呢套劇」。

韓國廣播審議委員會更接獲6,000宗投訴,召開會議後要求SBS電視台遞交報告,電視台或會被懲處。

韓國廣播審議委員會更接獲6,000宗投訴,召開會議後要求SBS電視台遞交報告
Photo from 편의점샛별이

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

Share to Facebook