未來購物車！Amazon推智能 Dash Cart　自動秤重兼計算銷售總額

近日確診數字一直上升，早前更有研究發現指病毒/細菌可以喺銀紙上生存兩日，不過隨著科技發展，唔少地方都已加入電子付款。而喺美國加州嘅 Woodland Hills 雜貨店就已經率先推出智慧購物車，購物者只需將貨物放進車內並通過指定的通道即可完成整個付款程序，或將在日後取代收銀員的職位。

美國 Amazon 早前就喺加州 Woodland Hills 雜貨店率先推出智慧購物車 「Dash Carts」，令購物者可以邊買邊計算，最後取出購物袋時，系統會自動結賬，免去排隊嘅麻煩。

Dash Cart 備有鏡頭以及重量感應器，從而確定商品及數量，避免收取過多或過少的費用。

Photo from Amazon

咁如果唔係預先包裝好嘅食物又點處理呢？好似水果或蔬菜等價格不一嘅商品， Dash Cart 會喺裝有屏幕嘅智慧購物車上，畀購物者先輸入商品代碼，進行秤重後即可加入購買清單中。

Photo from Amazon

當你選購完成所需商品結賬時，購物者就可以透過專用嘅通道離開，系統個自動喺你登錄嘅 Amazon 帳戶收取費用，整個過程完全唔需用等待時間，真係好方便！

Amazon 指 Dash Cart 目前係試行階段，希望最快可以年底前正式對外開放。

唔知香港又會唔會有呢？！

Source：Amazon

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）