《花木蘭》北美取消上映！改以串流平台Disney+播出 中國會照常上映

迪士尼真人版電影《花木蘭》因為疫情原因上映日期一改再改，最終決定唔再喺北美、澳洲等地上映，轉為串流平台Disney+上播放。至於主要市場中國則會照常上映。

新冠肺炎疫情影響全球，世界各地嘅迪士尼樂園都要關閉。電影業亦大受打擊，各國為防疫，戲院都閉門停業。

Photo from 《花木蘭》

多部電影都要延期上映，其中迪士尼真人版電影《花木蘭》本來係今年嘅「重頭戲」，主演包括劉亦菲於年頭更飛到美國、英國宣傳。

Photo from iMDb

不過疫情未有放緩跡象，《花木蘭》嘅上映日期多次更改，最終迪士尼CEO Bob Chapek宣布，電影放棄喺北美上映。

Photo from 《花木蘭》

《花木蘭》取消上映，改為喺迪士尼自家串流平台「Disney+」以$29.99美元價錢付費播放，上線時間為9月4日。

Photo from Disney+

全球已開通Disney+服務嘅地方，包括美國、加拿大、新西蘭、澳洲等可以收睇。

至於未有Disney+服務嘅地方，包括電影嘅主要市場中國，就會照常喺戲院上映，上映日期都係9月4日。

Photo from 《花木蘭》

不過北美地區向來係全球票房最高嘅地方，連續5年總票房越過$110億美元！今次《花木蘭》取消喺北美上映，恐怕對電影整體票房帶嚟沉重打擊。

Photo from 《花木蘭》

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）