Thomas 小火車登陸荷里活廣場！玩盡三大主題區及期間限定店！

Thomas 小火車喺即日至10月4日期間駛進鑽石山荷里活廣場！到時全港最大、高達 3.5 米嘅 Thomas 火車頭將現身商場，Thomas 雙眼仲會定時向左右轉動，頭頂仲有噴煙效果！仲可以玩盡「VR 鐵路之旅」、「森巴足球考驗」及「追風小車手」三個主題區！

Photo from 荷里活廣場

於首站「VR 鐵路之旅」，大小朋友戴上 VR 眼鏡，透過 Thomas 火車頭嘅視野喺鐵路上遊歷世界。旅程由 Thomas 嘅家鄉索多島出發，經過巴西及香港，欣賞沿途風景。（對象：5 歲或以上；每節長約 3 分鐘及名額2個）

Photo from 荷里活廣場

之後就要去玩下「森巴足球考驗」喇！大家可以喺迷你足球場入面，接受由小火車 Raul 畀大家嘅運球考驗，要喺限時內將足球扭過障礙物抵達終點，非常有挑戰性！（對象：3-10 歲；每節長約 5 分鐘及名額 2 個）

Photo from 荷里活廣場

踢完波仲可以做個「追風小車手」！喺全港首個擁有香港本地特色同地標嘅 Thomas & Friends 立體場景下，小車手們可以喺高樓大廈之間自由奔馳，好似小火車咁自由自在穿梭世界各地！（對象：3-8 歲；每節長約 10 分鐘及名額 2 個）

Photo from 荷里活廣場

玩完遊戲都未夠㗎！仲可以去「Thomas & Friends 75 周年玩具展」同「免費試玩區」，一邊欣賞 Thomas & Friends 75周年別注版模型，一邊砌小火車玩具！之後仲可以去「肯亞打卡區」同非洲動物影相留念。想買返啲精品留念就梗係要去「期間限定店」喇！

Photo from 荷里活廣場

Photo from 荷里活廣場

另外，場內設施使用長效殺菌塗層作處理加強防疫，大家就可以玩得開心又安心喇～

Photo from 荷里活廣場

參加方法：
顧客即日喺場內單一電子貨幣消費滿HK$100及捐款HK$10，憑卡或商戶發出嘅即日機印發票及對應嘅付款存根，可預約參加以上其中一個體驗活動一節。每人每日最多可憑單一電子貨幣消費滿HK$300及捐款HK$30換領三張入場券。每日名額有限，先到先得，換完即止。所有善款全數撥捐香港公益金。

Photo from 荷里活廣場

荷里活廣場「Thomas & Friends 75 周年小火車遊世界」
日期：即日至 2020年10月 4 日
時間：中午 12 時至晚上 8 時
地點：荷里活廣場一樓明星廣場

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）