男星雲特禾夫米拿宣布退出美劇《逃》系列拍攝：唔想再演異性戀者角色

人氣美國電視劇《Prison Break》（逃）自 2005 年開播以嚟一直都有唔少粉絲，而劇中嘅一班角色更係深入民心，早前佢哋仲有意開拍第 6 季，不過尋日劇中一名主角「Michael」雲特禾夫米拿（Wentworth Miller）就喺 Facebook 宣布退出系列電視劇。

美劇《Prison Break》自 2005 年開播，而最近一季嘅播出已經係 2017 年嘅事嚟喇！

故事講述主角嘅哥哥 Lincoln Burrows （Dominic Purcell 飾演）被誣陷殺害副總統之弟，被判處死刑並將於不久後執行。而其細佬 Michael Scofield （Wentworth Miller 飾演）得知哥哥嘅冤情後，更秘密策劃咁一套詳盡可行嘅計劃，打算幫助 Lincoln 出獄。點知一連串陰謀不斷發生喺佢哋及其身邊嘅人身上。

原本有消息指佢哋有意再拍第六季，不過尋日 Wentworth Miller 就喺其 Facebook 宣布退出第6季拍攝。

Wentworth Miller 喺發文中談到作為同性戀者藝人嘅感受，並且正式咁同粉絲道歉指唔會要有「米高」依個角色。

佢表示：「我唔會再拍《逃》。正式嚟講。唔係因為社交網站收到嘅聲音（雖然呢個係聚焦咗嘅議題）。我只係唔想再演異性戀者角色。佢哋已經不斷（又不斷）有故事。所以，唔會再有米高。如果你係劇集粉絲，想睇多幾季……我明你哋會失望，對唔住。」

雖然暫時仲未知 Wentworth Miller 今次咁樣宣布退出系列，會唔會影響咁第 6 季嘅拍攝。

有網友就認為就算第 6 季真係開拍成功，但冇咗 Michael Scofield 一角嘅《Prison Break》都唔會完整。

咁到底會唔是有第 6 季就真係要等官方公布喇！

Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）