《鬼滅之刃》劇場版電影上映！入場前必睇 8 大重點　炎柱/配樂/劇情超感人

人氣動畫《鬼滅之刃劇場版無限列車篇》今日就正式喺香港上映喇！自 10 月中喺日本上映後，短短 3 天就已經超過 342 萬名觀眾，票房衝破 46 億円，成功打破日本平日與週末嘅票房紀錄，紅遍成個亞洲！今次就整理咗 8 個重點，畀大家入場前做足功課！

1. 日本、台灣均創下電影動畫史新紀錄
《鬼滅之刃劇場版 無限列車篇》喺日本僅花咗 10 日就達到 107 億円票房，成為日本史上最快達成百億日本票房電影。就連另一套人氣長壽動畫《名偵探柯南》都唔係佢對手呀！

而比香港早上映嘅台灣同樣喺短短 3 天就錄得破億票房，更有戲院為咗滿足大家嘅需求額外針對《鬼滅之刃》加開場次，每45分鐘就有一場，讓戲院感覺就如同無限列車一樣！

2. 動畫版比漫畫更好看

《鬼滅之刃》由日本漫畫師吾峠呼世晴（鱷魚老師）創作，自從 2016 年 2 月喺《週刊少年Jump》連載直到今年完結，而喺 2019 年 4 月改編成電視動畫，今年 10 月推出續集電影。

自動畫版推出後，鬼滅嘅人氣席捲全球動漫界，同時亦帶動更多嘅漫畫銷量，銷售速度更超越《ONE PIECE》。

3.火之呼吸嘅秘密

Photo from Muse木棉花-HK

喺電視動畫版中，炭治郎喺危急關頭憶起父親生前所跳世代相傳嘅神樂舞，並將神樂舞加入於招式中使出「火之神神樂·圓舞」，令佢開始想了解火之呼吸。而電影版嘅故事中，炭治郎將會向煉獄杏壽郎查問更多關於火之呼吸嘅事。
4. 「炎柱」—煉獄杏壽郎

Photo from kimetsu_off@Twitter

《鬼滅》劇場版中最大重點其實係喺鬼殺隊「炎柱」身上，戲中大家可以充分感受到「炎柱」嘅魅力、正義感以及內心精神強大之處，亦遵循咗日本武士道嘅精神，貫徹義、勇、仁、禮、誠、名譽、忠義、克己，只有通過履行依啲美德，一個武士先可以保持佢嘅榮譽，同時亦呈現最高準嘅「殺身成仁」、「捨生取義」。

5. 《無限列車篇》嘅敵人

Photo from Muse木棉花-HK

喺「無限列車」上出現失蹤事件當然同鬼有關！今次炭治郎佢哋最大嘅敵人「鬼舞辻無慘」係眾鬼嘅始祖，擁有一隊精英「十二鬼月」，分別為 6 隻上弦和 6 隻下弦，一共12隻鬼。喺《無限列車篇》作惡的嘅正正就係「下弦之壹」魘夢，另外「上弦之參」猗窩座亦會喺今次登場。

6. 電影版先係真正嘅第一季最終章

《鬼滅之刃劇場版無限列車篇》劇情係接續承接第一季動畫蜘蛛山篇之後嘅故事，所以嚴格嚟講可以話係《鬼滅之刃》第一季嘅最終劇情，所以都係建議大家喺睇劇場版之前，都係睇咗動畫版嘅 1-26 集之後，再買票入場睇都唔遲，以免睇唔明角色之間嘅關係，畢竟劇場版係唔會重頭細說角色嘅過去同佢哋之間嘅關係。

Photo from kimetsu_off@Twitter

另外，今次劇場版中禰豆子將成為重要關鍵。炭治郎、善逸、伊之助等人喺登上「無限列車」之後都跌落鬼嘅圈套之中，陷入沈睡嘅無限之夢，只有身為鬼嘅禰豆子不受影響，更會發揮重要作用幫助哥哥等人逃出困境。

7. 劇情超感人、大戰場面震撼

唔少睇過動畫版嘅人都曾經被 ufotable 製作口嘅第 19 話大戰中所作使出嘅火之神神樂及血鬼術一刻所震撼。今次《無限列車篇》中將會有炎柱所加入，更使出其最強招式炎之呼吸嘅奧義「九之型・煉獄」，漫畫呈現唔到嘅華麗特效鏡頭，喺劇場版中將大展將令人讚嘆，真係想快啲可以睇到呀！

此外，劇情嘅鋪陳亦會劇場版嘅主要核心，將漫畫中無法詳細提到嘅部分，喺劇場版中全部透過精湛嘅特效畫面呈現出嚟，劇情中夾雜大量嘅親情、友情、殘酷以及感動關係，有睇完嘅網友更喺戲院睇到喊，所以大家記得帶定紙巾入場喇～

8. 主題曲
這次嘅劇場版主題曲同樣由電視動畫版嘅 LiSA 所負責演唱，而作曲、編曲就係梶浦由記，歌名為「炎」。LiSA 認為依首歌可以令人喺遭遇困境時，亦能給予佢哋更多嘅勇氣繼續走落去。

Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）