Apple HomePod mini 開箱實測！球形慳位設計/廣東話語音傳送/設定簡單方便

By Celia on 12 Nov 2020

Digital Editor

Apple HomePod mini 喺上星期五就已經正式開放預訂，依部機體積細，以一對嘅形式連接以仲可以形成立體聲喇叭，更有指係強勁能揚聲器嚟添！到底係咪真係咗勁，今次就嚟同大家率先開箱試機喇！

HomePod mini 喺外觀上同上一代一樣，以黑色同白色兩作為主色，但體積上就縮細咗唔少，並改為球形設計。並採用咗 S5 晶片，可每秒計算房間尺寸 180 次以自行調校音量嘅大小以及動感範圍，並喺頂部加入小熒幕，用作顯示 Siri 開關情況以及音量控制。

1. 觸控控制
HomePod mini 頂部嘅觸控表面，只需點按就可以播放、暫停、跳播歌曲、調校音量。輕觸並按住頂部仲可以做用 Siri。Siri 喺聆聽時，頂部會有 LED 波形動畫所以提示，而且如果你有兩隻 HomePod 分別放喺不同位置，佢會以用家聲音距離辨別作出回應，都幾方便！

2. 透過 iPhone 操控體驗
除咗吩咐 Siri，你亦可透過 AirPlay 2 直接喺 iPhone 輕鬆操控 HomePod mini 嘅娛樂內容。

3. 環境聲音
HomePod mini 營造出最完美嘅背景聲音，助你集中精神、放鬆身心，或安然入睡。令你可享受各種舒壓嘅聲音，例如下雨、森林、白雜訊、火爐、流水及黑夜等。

4. 廣播功能
大家可以利用 HomePod mini 及時快捷地咁同家中所有人或者個別人士發送訊息。 甚至可以喺 iPhone、iPad、Apple Watch、CarPlay 及 AirPods 收發廣播訊息。無論你喺家中任何位置，或已外出走動，你都可以隨時快捷地聯絡家中其他成員。

另外，如果大家喺另一間房放置多一部 HomePod mini 或支援 AirPlay 2 嘅揚聲器，那可享受多室音響，並全部都完美同步。或者喺同一房間內配對兩部 HomePod mini，創造立體聲揚聲器組合，帶來更令人渾然投入的聆聽體驗。

5.智能家居
HomePod mini 可控制任何 HomeKit 設備，令大家就算唔喺屋企都可以控制家中設備等，並將支援 Amazon Music 以及 iHeartRadio 等嘅第三方音程式，不過比較多港人用嘅 Spotify 就暫時唔包括在內，如果要用就需要透過 AirPlay 用住先喇！

6. 輕鬆設定
透過 iPhone，你可輕鬆設定 HomePod mini。大家只要將 HomePod mini 插上電源，並把將 iPhone 放近 HomePod mini；再選擇房間；啟用語音識別，以使用個人化要求功能；轉移設定將你所有的 iCloud、iTunes 和 Apple Music 設定均會自動傳送至 HomePod mini。將 iPhone 與 HomePod mini 同步後，你就可以喺家居 app 中按照自己嘅需求嚟設定。

7.用後感

以 HomePod mini 的尺寸而言，音質算係相當唔錯，聲音比同類喇叭更具層次，而且音量更加有驚喜，於大約二百平方呎的客廳中使用，音量充足沒有「拆聲」；如要求高一點，可選擇購買一對作立體聲播放，但個人認為單一使用效果已相當不錯，將一隻 HomePod 放於客廳，另一隻放於睡房中，用盡其廣播及同步播放音樂等功能。