澳門倫敦人酒店預計明年開幕 碧咸設計套房、大笨鐘地標

澳門倫敦人酒店預計明年開幕 碧咸設計套房、大笨鐘地標

ByElla on 30 Nov 2020

澳門倫敦人酒店由金沙城中心改建而成,以英國倫敦為設計主題,預計明年開幕。今次酒店仲搵嚟碧咸(David Beckham)做品牌大使,親自參與設計頂層「碧咸套房」,夠晒吸引啊~

澳門倫敦人酒店由金沙城中心改建而成,以英國倫敦為設計主題,預計明年開幕。
Photo from 澳門倫敦人酒店官網

澳門倫敦人酒店外觀以英國西敏宮(Palace of Westminster)及國會大廈(House of Parliament)為設計藍圖,仲有 96 米高嘅伊莉莎白塔(大笨鐘)做地標,鐘面更加係按原物建造,令你瞬間置身英國,絕對係打卡必影!

澳門倫敦人酒店外觀以英國西敏宮(Palace of Westminster)及國會大廈(House of Parliament)為設計藍圖。
Photo from 澳門倫敦人酒店官網

有 96 米高嘅伊莉莎白塔(大笨鐘)做地標,鐘面更加係按原物建造。
Photo from 澳門倫敦人酒店官網

酒店大堂設計以白色為主調,係英國維多利亞建築風格,非常高貴奢華。

酒店大堂設計以白色為主調,係英國維多利亞建築風格。
Photo from 澳門倫敦人酒店官網

設計高貴奢華。
Photo from 澳門倫敦人酒店官網

Photo from 澳門倫敦人酒店官網

酒店套房設計高貴時尚,碧咸更親自參與設計佔地兩層嘅頂層套房,創造「碧咸套房」,將自己鍾意嘅倫敦元素加入設計當中。

酒店套房設計高貴時尚。
Photo from 澳門倫敦人酒店官網

Photo from 澳門倫敦人酒店官網

廣告
廣告

Photo from 澳門倫敦人酒店官網

酒店設施完善,有多種娛樂設施,包括虛擬實境體驗,仲可以欣賞到英式主題街頭表演,連著名嘅衛兵交接儀式都可以喺澳門睇到!每日仲有大巡遊,可以見到莎士比亞戲劇中著名嘅角色。另外仲有購物中心,將會有超過 200 間商店進駐,方便旅客大買特買~

仲會有購物中心,將會有超過 200 間商店進駐。
Photo from 澳門倫敦人酒店官網

Photo from 澳門倫敦人酒店官網

另外,酒店薈萃各國美食,包括英國菜、中菜及葡國菜等,更有英國名廚戈登拉姆齊(Gordon Ramsay)主理嘅正宗英式酒吧進駐!酒吧提供各種美酒及小食,等旅客可以享受到地道英倫風味。

酒店薈萃各國美食,包括英國菜、中菜及葡國菜等。
Photo from 澳門倫敦人酒店官網

英國名廚戈登拉姆齊(Gordon Ramsay)主理嘅正宗英式酒吧進駐!
Photo from 澳門倫敦人酒店官網

酒店設計真係好靚啊!大家之後去澳門玩又有多個住宿選擇啦~

Photo from 澳門倫敦人酒店官網

澳門倫敦人酒店
地址:澳門路氹連貫公路

Text: HolidaySmart Editorial
(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

HolidaySmart 假期日常長期歡迎大家投稿~我哋會為你開一個個人帳戶作發表文章之用。文章類型包括美食、旅遊、玩樂等同HolidaySmart 假期日常相關既事物~投稿可以傳送到 holiday@presslogic.com比小編檢查一下先,記住要附上100字內自我簡介。 另外文章一經採用,編輯將會進行潤飾。期待你哋既大作啊!
👉🏻 即刻Follow我哋Instagram holidaysmart.hk
Share to Facebook