download HolidaySmart 假期日常 app
緬甸仰光現引退 JR 列車!保留舊有車站名牌 猶如時空穿梭一樣

緬甸仰光現引退 JR 列車!保留舊有車站名牌 猶如時空穿梭一樣

By Celia on 22 Dec 2020
Digital Editor

去日本玩嘅大家一定搭過 JR 列車,相信大家一啲都唔陌生,但大家又知唔知列車喺引退後又會去晒邊?!如果你以為全部會好似廢鐵咁被分解棄置,咁你就錯喇!依啲引退嘅列車大部分都會捐到發展中國家,緬甸嘅仰光有係其中一個被捐贈國家嚟,當中有唔少仲保留咁車站名牌喺車頭添㗎!

近日喺 Twitter 就有一張「岐阜を走るJR」為題嘅相,攝影師 KenKen 指依張相其實係喺舊年 3 月時喺緬甸嘅仰光影嘅,仲話 依個係日本引退 JR 列車嘅「第2車生」嚟添!

其實依段喺仰光嘅循環線雙軌列車係當地平民最為常用嘅交通路段,全長只有約46公里,但車程就要超過 3 小時。而喺依段路行走嘅就由日本捐贈嘅引退列車。

仰光嘅循環線雙軌列車係當地平民最為常用嘅交通路段Photo from tripadvisor.jp

當中唔少仲保留著咗車站名牌喺車頭添,好像相中嘅就係「岐阜-多治見」,除咗太多線列車外,亦有多摩急行、綾瀬等各種列車。

廣告
廣告

除咗太多線列車外,亦有多摩急行、綾瀬等各種列車。Photo from nozomu/Twitter

唔好睇相中嘅地下路軌邊堆滿菜,就以為列車會行唔列到呀,循環線因為未實施電氣化,所以列車仲係用緊柴油推動,所以就算啊路軌邊堆滿菜對列車服務都冇影響㗎!

循環線因為未實施電氣化,所以列車仲係用緊柴油推動Photo from printerest

不過據了解,依家依個市場已經冇咗喇!緬甸國家鐵路亦已同日本嘅發現商購入新列車,所以大家只可以有相覺睇到依個情境喇!

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel