奇招吸引住客!英國酒店checkin入住前要玩密室逃脫 成功解謎拎房間鑰匙先有得住?

奇招吸引住客!英國酒店checkin入住前要玩密室逃脫 成功解謎拎房間鑰匙先有得住?

ByCelia on 22 Dec 2020

每次去旅行除咗準備行程之外,當然梗係要精心揀間啱自己嘅酒店喇!而喺英國就有一間酒店為了吸引客人,就推出喺客人正式入住前,需要先玩一場遊戲嘅奇招,住客們要喺限時內完成遊戲任務搵出房間鑰匙,先可以進入舒服嘅房間。咁會唔會真係有人完成唔到遊戲而冇得住㗎?!

依間位於英國雅息士郡(Essex)嘅酒店 The Clockwork Hotel,就為咗可以令客人喺正式入住前先了解吓酒店嘅環境設備,住客喺辦理入住時需要先玩遊戲,大家要喺限時 1 小時內喺「密室逃脫」遊戲中搵出鑰匙,先可以進入房間~

The Clockwork Hotel位於英國雅息士郡
Photo from The Clockwork Hotel

酒店設施齊全,一共有 11 間客房,並設有小型酒吧以及備有熱水浴缸同桑拿房嘅水療中心,而喺客廳仲有壁爐添呀!

[pl-widget type="p" mode="photo-widget" ][/pl-widget]

不過想用依啲設施就要先玩密室逃脫遊戲喇!

遊戲設定限時 1 個鐘,客人可以透過解謎搵到房間鑰匙嘅相關線索,喺解謎成功後就會得到房間鑰匙。不過就算唔擅長玩依類遊戲嘅大家都唔使擔心,事關酒店主人推出依個遊戲嘅目的係相大家可以熟悉酒店,趁機會喺酒店入面行吓,喺遊戲時間結束後都會畀番鑰匙大家可以返客房休息嘅。

客人可以透過解謎搵到房間鑰匙嘅相關線索,喺解謎成功後就會得到房間鑰匙。
Photo from The Clockwork Hotel

廣告
廣告

不過有嘢一定要提大家就係,據官網指酒店首嘅預定人數最少為 16 人,而最多則可容納 22 人,係一個非常適合同家人/朋友開 party 聚會嘅地方嚟。

據官網指酒店首嘅預定人數最少為 16 人,而最多則可容納 22 人。
Photo from The Clockwork Hotel

至於價格方面,入住一晚,週日到週四人均 110 英鎊(約 HKD$1,143),週五、六及公眾假期則人均 150 英鎊(約 HKD$1,559)。

另外,如果喺平日只係想聚會嘅話亦都的,白天人均 30 英鎊(約 HKD$312),晚上人均 60 英鎊(約 HKD$624),價用包括餐點(晚餐為3 course dinner)、雞尾酒。

有機會去當地玩,不妨去住吓~

The Clockwork Hotel
官網:LINK

Text: HolidaySmart Editorial
(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

HolidaySmart 假期日常長期歡迎大家投稿~我哋會為你開一個個人帳戶作發表文章之用。文章類型包括美食、旅遊、玩樂等同HolidaySmart 假期日常相關既事物~投稿可以傳送到 holiday@presslogic.com比小編檢查一下先,記住要附上100字內自我簡介。 另外文章一經採用,編輯將會進行潤飾。期待你哋既大作啊!
👉🏻 即刻Follow我哋Instagram holidaysmart.hk
Share to Facebook