《想見你》演員IG道別嚇壞網友 粉絲考古發現並不簡單

《想見你》演員IG道別嚇壞網友 粉絲考古發現並不簡單

美食推介 生活熱話 娛樂新聞
ByIvy on 08 Jan 2021 Digital Content Writer

「想見你 只想見你 未來過去 我只想見你~」台灣電視劇集《想見你》自從 2019 年播出之後大熱!成功捧紅咗多個演員,其中飾演「莫俊傑」嘅施柏宇前往大陸發展,成績不俗。但早前佢就喺 Instagram 搭以黑畫面發文,嚇壞唔少粉絲。

飾演「莫俊傑」嘅施柏宇前往大陸發展,成績不俗
Photo from 施柏宇 Official Instagram

台灣演員施柏宇喺 16 年以網絡劇出道,於《想見你》一劇中憑藉「莫俊傑」一角人氣快速上升,喺 Instagram 上面更有達 46 萬粉絲,深受網民喜愛。舊年佢轉往大陸發展,出演過《創造營2020》以及《演員請就位》等嘅綜藝節目,獲得更高嘅知名度。

Instagram 上面有成 46 萬粉絲!
Photo from 施柏宇 Official Instagram

但佢早前喺 Instagram 突然發文,內容寫道「再見了,別再流淚」,配以全黑畫面嘅圖片,隨即惹來大批網民關注,連同門嘅成語蕎 Jenny 都即刻喺下面留言:「怎麼了?沒事吧!!」真係嚇親大家啦!

嚇親大家啦!
Photo from 施柏宇 Official Instagram

對於依樣,經紀公司伊林娛樂作出咗回應,指出施柏宇依家喺大連拍緊新戲《循環初戀》,當地氣溫只得 -15 度,體感氣溫更只得 -20 度。天氣唔好嘅環境之下,加上將會返台灣過年所以趕住殺青,好快要同劇中角色講再見,佢好唔捨得,所以情緒沮喪咁話。

廣告
廣告

體感氣溫成 -20 度呀!
Photo from 施柏宇 Official Instagram

但網民翻睇佢嘅舊 Post ,發現佢好似幾大壓力,成日都會吐露不快嘅心聲。例如喺 20 年 11 月 29 日嘅時候就曾經 Post 過一張黑白嘅建築相,內容寫住「你快樂嗎⋯⋯?」;同年 12 月 12 日嘅時候都曾經留低過歌曲《茫》嘅歌詞「我試著把孤獨藏進耳機,用琴鍵代替」,並搭配一張黃昏嘅風景;6日後再度發文,內容寫道「沒有意義的空殼」,照片搭配秋冬落葉嘅枯枝;今年 1  月 2 日亦曾經 Post 過「人終究是孤獨的,懂得學會跟自己相處」,亦於 6 日時表示「好像很久沒有這麼單純這麼開心了⋯⋯」

「人終究是孤獨的,懂得學會跟自己相處」
Photo from 施柏宇 Official Instagram

「好像很久沒有那麼單純那麼開心了⋯⋯」
Photo from 施柏宇 Official Instagram

到底係咪只係因為入戲太深,一時鬱悶先至喺 Instagram 開 Post 吐露心聲就只有施柏宇本人自己先知道。點都好,希望《想見你》全部演員都有更美好嘅發展,演藝事業再創佳績!

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

Share to Facebook