黃秋生初嚐蚵仔煎直言難食?台灣《開著餐車交朋友》開播 KID宋柏緯首集即帶路夜市掃街

黃秋生初嚐蚵仔煎直言難食?台灣《開著餐車交朋友》開播 KID宋柏緯首集即帶路夜市掃街

ByCelia on 12 Jan 2021

台灣全新美食節目《開著餐車交朋友》尋晚就正式開播,節目黃秋生將會同KID(林柏昇)以及宋柏緯齊齊開住露營餐車環遊台灣,利用當地嘅食材煮食,並認識10萬個台灣朋友,而喺第一集,佢哋三人除咗相約喺 KID 嘅餐廳見面外,食兩位台灣朋友當然要一盡地主之誼,帶秋生哥行吓夜市,掃街搵吓靈感喇!

節目《開著餐車交朋友》中嘅黃秋生、KID(林柏昇)以及宋柏緯三人將會化第身大廚一同經營露營餐車環遊台灣,喺台北、宜蘭、新竹、台中、台南、花蓮等以當地食材煮食,並認識 10 萬個朋友,透過出售料理獲得善款,並將善款捐助兒童基金會作慈善用途。

《開著餐車交朋友》
Photo from LINE TV

節目中佢哋首次見面除咗開箱露營餐車外,佢哋仲去咗新北市嘅永和樂華夜市掃街,食臭豆腐、蚵仔煎、虱目魚湯等地道美食,順便為即將開始嘅環島餐車之旅搵靈感。

節目中佢哋首次見面除咗開箱露營餐車
Photo from LINE TV

佢哋仲去咗新北市嘅永和樂華夜市掃街
Photo from LINE TV

但喺食到 KID 推介台灣人至愛嘅蚵仔煎時,黃秋生似乎對依款食品唔太啱胃口,形容並口感似麵粉加甜醬,不過佢指依個只係佢個人感覺嚟,而且每個人食嘅感覺味道都唔一樣。

黃秋生似乎對蚵仔煎唔太啱胃口
Photo from LINE TV

而至於台灣人經常飲嘅虱目魚湯,黃秋生就認為依個湯係偏向北方人講嘅「湯」,即廣東人所講嘅「水」,而 KID 亦補充指香港人對湯非常有研究,要將所有材料嘅精華濃縮,先係真正嘅湯,不過秋生哥就覺得可以以此為靈感,喺將來可以將虱目魚湯升級做成虱目魚粥,唔知味道又會係點呢?!

黃秋生就認為虱目魚湯係偏向北方人講嘅「湯」嚟。
Photo from LINE TV

當然亦有秋生哥鍾意食嘅嘢喇!

廣告
廣告

黃秋生一個人就算唔多食晒一盒臭豆腐喇!
Photo from LINE TV

原係油炸鬼就咁食,霸氣!
Photo from LINE TV

除咗行夜市,節目中仲有唔少搞笑場面,如秋生可即場教宋柏緯演技、床位爭奪戰以及秋生哥分享靈異故事時嚇到宋柏緯即刻攬實 KID 定驚等!

床位爭奪戰
Photo from LINE TV

秋生哥睡前故事
Photo from LINE TV

到底今次依個旅程會遇到咩困難同佢哋有嘅開心,就留畀大家自己睇喇!

《開著餐車交朋友》
播出時間:2021年1月10日起每週日晚上10點(東森綜合台、LINE TV

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

HolidaySmart 假期日常長期歡迎大家投稿~我哋會為你開一個個人帳戶作發表文章之用。文章類型包括美食、旅遊、玩樂等同HolidaySmart 假期日常相關既事物~投稿可以傳送到 holiday@presslogic.com比小編檢查一下先,記住要附上100字內自我簡介。 另外文章一經採用,編輯將會進行潤飾。期待你哋既大作啊!
👉🏻 即刻Follow我哋Instagram holidaysmart.hk
Share to Facebook