58歲關之琳零濾鏡素顏照曝光！網民：韻味十足但難掩歲月痕跡！

現年58歲有著「香江第一美人」之號嘅關之琳，當年以《黃飛鴻》、《笑傲江湖》等作品聞名。多年來美貌依然，但隨住時間嘅過去，喺佢面上始終都會見到有歲月嘅痕跡，不過亦可以算係保養得宜「凍齡」有術，早前佢更同閨蜜拍片扭腰跳舞，活力過人。

自 2015 年關之琳單方面宣布離婚一直以事業為重，但反觀其美貌，關之琳可以就係由小靚到大，當年喺娛樂圈屬天然美女，更被人形容佢嘅靚係「持靚行兇」，堪稱顏值巔峰。

早前關之琳參加直播 show 時就公開自己嘅養生之道：「很喜歡做運動、然後又愛睡覺，又愛吃，那當然是要保養，就是在吃方面保養，在用的物品上面也要保養，要用好的東西。」

不過當時就被網友發現佢嘅法令紋有啲勁，直指歲月不留人。

而近日關之琳為好友蘇施黃慶祝生日，蘇施黃喺 Facebook 上上傳合照，令其素顏曝光。相中關之琳不單止冇化妝，相片仲係零濾鏡、零修圖，真係唔係個個女星都有依個勇氣咁做。

但關之琳就完全無懼，雖然膚色稍微偏黃，但皮膚依然順滑有光澤，無乜皺紋魚尾紋，只係法令紋有啲勁，完全睇唔出係就快「登六」。

Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

更多相關文章

盤點 5 個滿清貴族血統明星　關之琳係格格　惠英紅係慈禧太后後人？！

03 Nov 2020

《延禧攻略》、《甄嬛傳》大家就睇得多，當中後宮嘅妃嬪好多都係滿清貴族出身，「瓜爾佳氏」、「葉赫那拉氏」都係當時嘅貴族姓氏，而現今娛樂圈竟然都有滿清貴族血統嘅後人？

關之琳
關之琳係清朝八大貴族之一「瓜爾佳氏」嘅後人，滿洲正白旗後裔，關之琳原來係一個「格格」！「瓜爾佳氏」人才輩出，仲出咗好多貴妃。關之琳出身演藝世家，父母都係 60 年代嘅演員，佢喺 2010 年息影，之後就專心於慈善公益活動。

Photo from 關之琳@微博

Photo from 關之琳@微博

周海媚
「凍齡女神」周海媚同樣都係「瓜爾佳氏」後人，周海媚完全繼承咗「瓜爾佳氏」嘅優良基因，皮膚白皙，身材高挑。出身滿洲貴族，周海媚自小受到爸爸嚴格管教，日常生活都保留滿族規矩。

Photo from 周海媚@微博

Photo from 周海媚@微博

關曉彤
EXO 前中國成員鹿晗女朋友關曉彤都係出身「瓜爾佳氏」，爸爸關少曾係演員，關曉彤出身自藝術世家，自小就好有藝術天份。佢依家係內地當紅嘅「90 後四小花旦」之一，演藝事業發展順利。

Photo from 關曉彤@微博

Photo from 關曉彤@微博

惠英紅
惠英紅係滿族正黃旗後裔，係「葉赫那拉氏」後人，歷史上最著名嘅就有慈禧太后。惠英紅好細個就投身社會，憑住自己嘅努力同實力成為影后，演技備受讚賞。

Photo from 惠英紅kara@微博

Photo from 惠英紅kara@微博

那英
曾擔任內地節目《中國好聲音》導師嘅歌手那英同樣都係「葉赫那拉氏」後裔，同慈禧太后同祖同宗，此外，清朝好多皇后都係「葉赫那拉氏」，「葉赫那拉氏」絕對係當時嘅大姓。而那英喺樂壇發展順利，係天后級人物。

Photo from 那英@微博

Photo from 那英@微博

Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）