《乘風破浪的姐姐2》張柏芝埃及妖后造型驚豔全場！網民：終於發現柏芝沙聲唱歌咁好聽？！
Photo from 《乘風破浪的姐姐2》
Photo from 《乘風破浪的姐姐2》
張柏芝初時參加《乘風破浪的姐姐2》曾備受質疑，因為佢出道以嚟歌喉多次被批，而節目係選女團，有網民擔心佢如果成團，能否勝任唱歌。
Photo from 《乘風破浪的姐姐2》
而第一集個人表演後，張柏芝因為感到自己表現不佳而自責崩潰落淚，佢亦曾喺商演時大走音，場面尷尬。
Photo from 《乘風破浪的姐姐2》
到組隊表演後，佢企正做中心但唱跳都唔突出，更被指無盡力表演。雖然佢喺節目一直都係大眾熱烈討論嘅對象，但大多數嘅讚美都係圍繞佢不老美貌，好少會有人稱讚佢嘅歌舞實力。
Photo from 《乘風破浪的姐姐2》
到新一集，張柏芝終於如願同那英一組，賽前因為那英係王菲閨蜜，又喺節目中多次無視、拒絕張柏芝組隊請求，惹起二人不和傳聞。估唔到最終那英作為隊長竟然接受張柏芝，兩人成功組隊。那英組唱嘅曲目係《逆光》，同其他組比較屬於抒情曲風，相當考驗唱功，而張柏芝出道多年雖有推出過經典名曲，但沙啞「鵝公喉」就一直為人詬病，今次挑戰高難度令佢再次成為焦點。
Photo from 《乘風破浪的姐姐2》
未料新一期播出後張柏芝唱功竟獲讚有大進步！網民指佢喺那英教導下沙啞嗓子都開始有輕透感：「柏芝solo那段很催泪」、「第一次發現張柏芝唱歌好聽」。
Photo from 《乘風破浪的姐姐2》
Photo from 《乘風破浪的姐姐2》
Photo from 《乘風破浪的姐姐2》
表演期間舞台上更播出佢哋嘅舊照，再度令觀眾讚張柏芝由細靚到大，加上白色長裙造型：「張柏芝根本是仙女」。最終那英組獲得第二名。
Photo from 《乘風破浪的姐姐2》
Photo from 《乘風破浪的姐姐2》
Photo from 《乘風破浪的姐姐2》
Photo from 《乘風破浪的姐姐2》
那英組《逆光》：
而獲封「盛世美顏」嘅張柏芝早前為代言而化身「埃及女王」，罕有以妖艷濃妝示人，煙燻眼影、粗黑眼線，加上金色髮飾，整個人展現出女王霸氣！
Photo from 微博
Photo from 微博
Photo from 微博
至於天后容祖兒組則表演跳唱《孤寂者》，Joey作為隊長主動讓出中心位，但網民仍大讚佢表現出色，指佢即使受傷仍零失誤：「容祖兒的氣場把其他人全部變成伴舞」激讚佢果然係天后！佢帶領組員勇奪第一，更將於下一個任務中再次擔任隊長！
Photo from 《乘風破浪的姐姐2》
Photo from 《乘風破浪的姐姐2》
Photo from 《乘風破浪的姐姐2》
Photo from 《乘風破浪的姐姐2》
容祖兒組《孤寂者》：
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
更多相關文章
37歲濃妝陳妍希鼻影太勁走晒樣！40歲淡妝張柏芝完勝艷壓全場！網民：講樣無人贏到！
19 Feb 2021
Photo from 《乘風破浪的姐姐2》
《乘風破浪的姐姐2》播出後，張柏芝差唔多期期都成為焦點，一開賽觀眾已被佢外貌迷倒，大讚佢係凍齡美人。
Photo from 《乘風破浪的姐姐2》
除咗張柏芝外，「小龍女」陳妍希亦獲讚氣質美人，重返《那些年》巔峰美貌，佢素顏清秀可人令人眼前一亮！
Photo from 陳妍希微博
點知喺新一集佢嘅妝容出事，成個人大走樣，網民紛紛表示認唔出！？
新播一集佢表演《瑯琊榜》主題曲《紅顏舊》，同組仲有張柏芝、楊鈺瑩、阿蘭等。陳妍希繼廣為人知嘅《神雕俠侶》「小龍女」後，再度以古裝造型亮相人前。
Photo from 陳妍希微博
不過今次佢妝容超濃，尤其係個鼻，似乎鼻影打得太勁，喺舞台燈光下顯得相當奇怪唔自然，濃豔眼妝令眼尾上揚，成個人多咗幾分妖媚感覺，同平時楚楚可憐嘅清純形象截然不同！
Photo from 《乘風破浪的姐姐2》
Photo from 《乘風破浪的姐姐2》
Photo from 《乘風破浪的姐姐2》
Photo from 《乘風破浪的姐姐2》
對於陳妍希呢個舞台look，網民就唔係太欣賞，話佢平時更好睇，認為濃妝唔係好襯佢，令佢變晒樣。
Photo from 《乘風破浪的姐姐2》
Photo from 《乘風破浪的姐姐2》
相反同組嘅張柏芝造型就大獲好評，觀眾都被佢迷倒，指佢完勝艷壓全場，其他人完全被比下去。
Photo from 《乘風破浪的姐姐2》
其實張柏芝喺節目初期已獲網民評為「盛世美貌」，但到後來因為唱跳實力有限，所以開始引嚟非議，喺練習過程中柏芝不時大笑，亦被網民指責唔認真對待，工作態度有問題。
Photo from 《乘風破浪的姐姐2》
到正式表演，佢表現普通，企正喺中心但唱跳都唔達標，最後竟以超高排名第4位晉級，令好多觀眾不滿，加上佢纖幼嘅手腳、腰肢等fit爆身型被揭原來係靠P圖！令人好感全無。
Photo from 《乘風破浪的姐姐2》
正當大家都對佢實力不抱期望之際，張柏芝新舞台再度引起熱議，原來呢個古裝造型令人諗起佢18年前喺電影《老鼠愛上貓》「白玉堂」一角，盛讚佢18年不老。
Photo from 《乘風破浪的姐姐2》
Photo from 《老鼠愛上貓》
Photo from 《乘風破浪的姐姐2》
柏芝拎扇都有種英氣，表情靈動，網友再度被佢美貌「收服」，指佢同其他人企埋一齊高下立見！
Photo from 《乘風破浪的姐姐2》
Photo from 《乘風破浪的姐姐2》
Photo from 《乘風破浪的姐姐2》
《紅顏舊》舞台：
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
更多相關文章
容祖兒拍《乘風破浪的姐姐》俾指甲插傷手要噴血縫針 網民：俾gel 甲整到咁傷都係第一次見！
9 Mar 2021
容袓兒最近就忙於出演內地節目《乘風破浪的姐姐2》，比佢有機會展示唱跳功力，令唔少網民對佢嘅表現讚不絕口。日前，佢就喺IG度講返起自己上個月驚險嘅受傷過程。原來佢係因為整咗超長嘅gel 甲搞到佢用鉸剪嘅時候，唔小心插傷手，仲搞到要入醫院縫針！
Photo from 容袓兒IG
容袓兒就喺IG話如果唔係比網民影到佢包紮住嘅手，佢都差啲忘記自己整親手。仲話之前一直都無講係因為唔想將受傷嘅事放大黎講，但既然節目都已經公開咗傷疤，就紀錄一下一個月前受傷嘅經歷。佢直言自己並非錫身嘅人，但因為自己敏感度高，所以好少會受傷（工作除外）。
Photo from 容袓兒IG
而令容袓兒受傷嘅主要元兇就係佢超長嘅gel甲！佢表示自己其實對呢類型長型嘅指甲並無興趣，今次之所以會整長gel甲都只係為咗令準備好嘅「三公舞蹈」睇落更加有隊形。整呢個指甲足足用咗佢8個鐘，整完之後行動極度唔方便，連捽眼都差啲插盲自己，仲話好佩服可以成日都留長指甲嘅人！
Photo from 容袓兒IG
之後，容袓兒就提及到受傷嘅「重頭戲」！佢當日就想拆嘢所以就攞起咗把鉸剪，但由於長gel甲令佢行動好笨拙，就搞到佢唔可以好似平時咁使用鉸剪。但就係佢用力嘅嗰一下，鉸剪就對準咗喺左手嘅虎口位插咗落去。佢形容當時嘅血係好似「玩水槍」噴出來，令周圍嘅工作人員都嚇到呆咗即刻送佢入醫院！
Photo from 容袓兒IG
容袓兒就話之後兩個星期傷口都一直痛，由於傷口唔可以入水，所以佢自己洗唔到頭。再加上要排舞，所以佢長期都需要包紮住個傷口，但又要擔心傷口會因此而發炎，令佢不停咁自責自己嘅愚蠢行為。佢仲話好彩並無因為受傷而影響排舞進度，提醒大家都要小心愛惜自己身體～
Photo from 容袓兒IG
Photo from 容袓兒IG
但係容袓兒最終都非常厲害咁帶領住佢嘅隊伍攞咗嗰節比賽嘅第一名，真係十分敬業！
Photo from 湖南衛視
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
【想隨時隨地緊貼本地食買玩資訊？】
👉🏻 立即下載 HolidaySmart 假期日常APP
👉🏻 即刻Follow我地Instagram holidaysmart.hk
👉🏻 訂閱我地 Youtube Channel
