李泳豪被楊思琦傷太深終走出情傷與台灣新歡好事近

By Stephanie on 18 Mar 2021

Digital Content Writer

李泳豪自從2011年同楊思琦分手之後，因為被女方背叛而大受打擊。即使之後曾經有交往嘅對象名單，但都只係維持咗好短嘅時間。近日，有傳媒報導李泳豪終於結識女友，並且已經同圈外女友Agnes Lin拍咗拖幾個月。睇嚟佢終於可以忘記當年嘅傷痛，重新振作～

Photo from 李泳豪FB

現年40歲嘅李泳豪喺2011年同楊思琦分手後，感情生活都一直未有穩定落嚟。最近，佢就被爆結識咗台灣圈外女友Agnes 。有指Agnes同佢以往嘅女友好唔同，十分賢良淑德，令佢好快就認定咗呢位女友。

Photo from Agnes FB

唔單止喺咁，Agnes仲非常識做，經常都會喺自己嘅社交網站幫手宣傳「未來老爺」李家鼎嘅自家品牌，亦識得行奶奶政策，令男友嘅家人都對佢讚不絕口。

Photo from Agnes FB

而李泳豪就非常保護女友，表示已經視佢為結婚對象，最快出年先會計畫結婚。李家鼎亦喺某個訪問大贊Agnes 係好女仔，仲開口話希望飲到呢杯新抱茶！

Photo from 李泳豪FB

李泳豪就已經開始佢嘅新感情，但其實舊愛楊思琦嘅情路都並非一直咁順遂。2011年，佢因為搭上吳帥而狠撇一齊咗9年嘅李泳豪，仲生咗個女，但好快就分手收場。直到2019年，佢宣布同圈外人再婚並且誕下兒子。但由於老公身份過度神秘，令網民都話係「虛擬老公」，引起熱議。

Photo from 楊思琦FB

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

楊思琦談及「隱形丈夫」　被網民質疑講大話

4 Dec 2020

楊思琦去年又突然再度懷孕，並透露 BB 生父係圈外人，兩人已經註冊結婚，不過丈夫就從未曝光過。早前楊思琦接受訪問時談及老公，被網民質疑講大話。

楊思琦同李泳豪拍拖 9 年，後來被爆戀上吳帥，其後於 2012 年誕下女兒楊卓穎，成為單親媽媽，身兼父職，獨力湊大女兒。

Photo from szekikk@IG

不過楊思琦去年又突然再度懷孕，並透露 BB 生父係圈外人，兩人已經註冊結婚，但由楊思琦懷孕到誕下兒子 Kody 整個過程，丈夫從未曝光，連丈夫姓名及年齡都不曾提及，身分非常神秘，就連兒子都係跟自己姓楊，令到成件事變得更加奇怪。

Photo from szekikk@IG

早前楊思琦為新歌做宣傳，接受訪問時被問及老公嘅事，楊思琦表示丈夫係圈外人，唔習慣娛樂圈嘅模式，所以尊重佢，冇刻意去公開。被問到丈夫會唔會幫手湊仔，楊思琦就話佢唔需要幫手湊，主要都係自己湊。由於女兒同兒子係同母異父，被問到女兒同繼父相處如何時，楊思琦就話佢哋會用 WhatsApp 溝通，之後就開始避談丈夫嘅事。