港男大呻女友愛買名牌每月欠至少2萬卡數！ 話男友窮「少少錢都唔肯洗，唯有自己買囉！」

相信好多人都曾經有過唔小心「洗多咗錢」嘅經驗！近日，有位港男就喺討論區呻女友經常都會因為買名牌而碌爆信用卡，仲會借用父母信用卡繼續買。港男見狀就同女友傾呢個問題，反而俾女友話返轉頭，搞到冷戰緊！

Photo from TVB

雖然信用卡好方便，但亦係好容易令我哋唔覺意用多咗錢。最近，有位港男就喺Dcard討論區大呻女友嘅「大洗」行為，話女友平均每個月都會欠2萬幾蚊卡數，認為女友已經去到病態購物狂嘅程度！

Photo from Dcard

港男表示女友本來嘅購物習慣並非咁猖狂，只係偶爾網購一下。後來，因為上莊認識咗班大學同學之後，受到影響開始買名牌。最近，仲買咗個Chanel銀包，就算碌爆自己張信用卡，佢都唔停手，問父母借信用卡繼續買。

Photo from TVB

除咗買名牌之外，女友每個月都會買韓國高價嘅網購，每次一買就$2000到3000，仲要每個月至少買兩次，加埋單單係網購就每個月用至少$5000！

Photo from TVB

港男發現呢個問題後，就同女友商討認為「大洗」問題已經變得越嚟越嚴重。但就反遭女友責罵話佢窮，「少少錢都唔肯用，未唯有自己買囉」，令港男好難受！仲話同女友而家冷戰緊，認為對方一定唔會主動搵返佢，表示非常煩惱。

Photo from TVB

之後，港男亦補充由於女友而家所欠嘅卡數一直累積上去，所以兩人約會幾乎都係由港男俾錢。仲話望住女友咁樣碌落去，真係唔使旨意會草到錢！

Photo from Dcard

Photo from TVB

唔少網民睇完港男嘅故事，都喺下面留言話認為兩人價值觀差太遠，應該分手。有網民仲話：「呢啲女仔只會變得越嚟越拜金」，勸喻港男快啲離開！

Photo from Dcard

Photo from Dcard

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

更多相關文章

港男結婚女方開價要150萬禮金！ 網民：「咁離婚係咪可以回水？！」

14 Apr , 2021

有人曾經講過結婚其實並非只係兩個人嘅事，而係兩個家庭嘅事！近日就有網民喺討論區訴苦，表示接近30歲嘅細佬即將同拍拖10年女友結婚，但女方家人竟然要求高達150萬嘅禮金，令呢位網民大呻「不如唔好結！」

Photo from TVB

日前，有網民就喺連登討論區發文表示自己就嚟30歲嘅細佬即將同拍拖10年嘅女友結婚，但就煩惱緊禮金嘅問題！由於佢哋屋企係第一次有男丁娶妻，唔係好知道點樣計算禮金，所以呢位網民嘅爸爸就打算好意頭，提出$38.8萬做禮金。

Photo from 連登討論區

Photo from TVB

點知女方家人竟然開價話禮金要150萬，令到該網民嚇一大跳！佢亦補充自己屋企同準弟婦嘅家庭經濟環境都係屬於中產以上，而自己屋企嘅環境就再稍微好少少，所以女方家人先會利用呢個機會「獅子開大口」。

Photo from TVB

之後，該網民就話其實父母已經full pay咁買咗層樓比佢哋兩個結婚之後住，但而家女方家人竟然仲要求要落埋準弟婦個名，令佢感到更加憤怒！

Photo from 連登討論區

Photo from TVB

而呢個post一出就引起好多網民嘅關注，事關大家都認為網民家人本身所提出嘅禮金已經比一般多，就算家境富裕都唔需要俾咁多禮金！

Photo from TVB

大部分嘅網民就喺下面留言認為女方家人太過分，話「呢啲親家比$8.8萬都嫌多」、「咁唔好結婚，擺明玩嘢！」

Photo from 連登討論區

Photo from 連登討論區

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）