61歲鍾楚紅素顏勁搶鏡　面色紅潤與鄭秀文慶祝杜琪峯66歲生日！網民：似食咗防腐劑

鄭秀文（Sammi）同杜琪峯（杜 sir）2000 年時因電影《孤男寡女》而認識，二人多年嚟喺電影上合作無間，私底下二人更係非常老友，不時都相約聚會，感覺就好似一家人咁。而尋日正正係杜 sir 嘅 66 歲生日，Sammi 當然要相約一齊慶祝喇！

Photo from sammi/IG

每年嘅 4 月 22 日就係導演杜琪峰嘅生日，但今年 66 歲生日嘅佢就因為疫情關係同往年有少少唔同，今年並冇盛大派對，同圈中紅星到賀，佢哋只係相約幾位好友一齊食飯，而其中 Sammi 同楚紅都係座上客之一。

Photo from 鍾楚紅/weibo

Sammi 更喺社交網中貼出佢哋同 杜sir 嘅合照，留言：「杜sir家宴。對我而言，每年非常重要的日子，就是杜sir 的生日。??昨晚，還有紅姑，韋生（韋家輝）韋太和阿叔（張叔平），當然還有杜太啦！☺️簡單在杜sir家中吃飯聊天，就是幸福的一夜。」佢更加上 hashtag 「#二十一年前認識杜sir至今」、「#我最尊敬的杜sir」、「#亦師亦友亦女兒」睇得出佢哋嘅感情有幾好。

Photo from sammi/IG

而 Sammi 嘅相片睇嚟就冇加任何 filter，相中大家素顏都依然咁省鏡，尤其係今年已經 61 歲嘅紅姑（鍾楚紅）呀！近年紅姑一直處於養尊處優嘅狀態，得閒就會去行山或者約朋友食飯，尋日佢就身穿紅色上衣到賀，整個人睇起嚟容光煥發！

Photo from sammi/IG

相中嘅紅姑雖然睇落有少少眼肚同皺紋，但面色紅潤又精神飽滿，再加上佢嘅招牌甜美笑容，睇見都心花怒放呀！

Photo from sammi/IG

而唔少網民除咗紛紛留言祝杜 sir 生日快樂外，仲留言大讚紅姑好靚，完全唔似 61 歲，好似食咗防腐劑添～

Photo from sammi/IG

Photo from sammi/IG

Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

更多相關文章

58歲關之琳新相曝光 雙眼離奇變細被指面容浮腫僵硬 網友：呢個年紀Keep到咁仲想點！

23 Apr 2021

關之琳向來有「大美人」之稱，雖然已經58歲，但喺佢嘅社交網站上嘅相片睇到佢保養得宜。日前關之琳出席甄子丹老婆汪詩詩嘅生日會，一雙眼睛竟然引起熱議。

Photo from 關之琳微博

關之琳係80、90年代嘅著名影星，年輕時嘅佢美貌驚人，一對電眼炯炯有神，非常迷人。

Photo from 微博

Photo from 微博

Photo from 微博

佢喺2010年宣佈息影後就無再出演任何作品，不過人脈極廣嘅關之琳仍不時會同好友會面，喺鏡頭前嘅曝光率並唔低。

Photo from 關之琳微博

Photo from 關之琳微博

日前係甄子丹老婆汪詩詩40歲生日，同汪詩詩份屬好友嘅關之琳與任達華老婆琦琦、汪詩詩親妹汪圓圓齊齊為壽星慶祝生日，更大合照以作留念。

Photo from 汪詩詩IG

不過「大美人」關之琳喺合照中明亮眼神不再，眼睛竟離奇「縮細」，而且面容顯得僵硬，笑容睇落相當唔自然，同佢平時喺社交網站公開嘅相有頗大嘅分別。

Photo from IG @valerie9222

有唔少網友感嘆：「歲月真的是把刀」、「感覺她老了好多」，但亦有網民認為佢係「優雅的老去」、「都這個歲數了能不老嗎」

Photo from 微博

Photo from 微博

Photo from 微博

早年汪詩詩等好友為關之琳慶祝生日時亦公開過佢「零美顏」嘅照片。

Photo from 汪詩詩IG

Photo from 汪詩詩IG

Photo from 汪詩詩IG

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）