《大整蠱》吳幸美慘遭怪叔叔司機+騎呢住戶連環整蠱！網民：被人呃完再呃好蠢好傻
由艾粒、農夫主持嘅TVB綜藝節目《大整蠱》，挑選咗《東張西望》主持吳幸美做最新一集嘅目標。當吳幸美仲未從第一次整蠱中回神過嚟，又再一次被整，始作俑者仲要係艾粒兩人！對於吳幸美連環上當，網民又有咩睇法呢？
Photo from TVB
開工當日，吳幸美被急召回電視城，吩吋佢去採訪突發事件，由於公司嘅採訪車已率先出發，所以佢被安排乘搭節目精心「設計」嘅的士前往目的地。
吳幸美上車無耐，的士司機已經叫錯佢做「吳美幸」，但幸美依然平靜，唔介意咁話：「一樣啫！中晒三個字」。之後，騎呢司機更拎出唱K神器請佢大展歌喉，幸美都保持禮貌婉拒，只私下傳短訊向同事求救，話個司機「好煩」，「好變態」，「好唔專心揸車」。所以連節目旁白員少爺占、當奴都稱讚幸美專業。但事件一浪接一浪，司機突然掟出一樽內有黃色液體的水樽，令幸美誤以為係其尿液。
Photo from TVB
Photo from TVB
更誇張嘅事係，司機突然收到電話，指其太太臨盆在即。司機駛往會合點途中，幸美都有勸對方冷靜。正當幸美想離開另找車輛，的士司機唔放佢走，並要求佢上車幫忙接生。當幸美嚇到唔知點好，落車揾途人幫拖時，先被告知佢已成為「大整蠱計劃」嘅受害人！幸美得知已中伏後，都抱住心口表示：「嚇死我！好驚呀！好真實呀！」
Photo from TVB
以為「整蠱計劃」告一段落？錯喇，戲肉依家先開始！幸美終於到達採訪地點，佢今次要追訪經常被鄰居投訴奇怪住戶，但其真實身份就係當奴同少爺占。艾粒二人一早準備好騎呢造型入戲，不時喺屋內發出詭異聲音，更向門外大拋陰司紙同米粒。嚇得幸美慌忙退縮，同時向導演表示唔敢採訪。導演見狀，畀數位男同事先入屋了解，再鼓勵幸美再隨步入屋。幸美嚇到眼濕濕，皺哂眉頭，終於都頂硬上行入屋，但隨即被少爺占拋假蛇攻擊。當幸美被嚇至花容失色之際，佢先知道自己又再一次被整蠱。連幸美自己都忍唔住話：「點解我咁蠢！我又上當喇！」在場嘅少爺占都表示：「好專業。你被稱為TVB最善良嘅藝人。」最後，為獎勵幸美嘅敬業表現，節目安排佢抽獎，並成功抽到1000元利是。
Photo from TVB
網民對於吳幸美連環上當嘅表現，大多都對佢讚賞有加。某評論話：「佢唔係蠢先被捉弄，係工作專業精神。」，「敬業態度。值得讚賞。」，「好善良，好有禮貌。」更有網民大讚幸美可愛，已經愛上咗佢。但亦有人覺得佢蠢：「（被）呃完再呃，好蠢好傻」。
Photo from Youtube
Photo from Youtube
Photo from Youtube
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
更多相關文章
《大整蠱》蘇韻姿扮受傷 周嘉洛發火鬧爆錄影廠！怒轟豹哥：收聲啦！
23 Apr 2021
TVB《大整蠱》新一集聯同《愛回家之開心速遞》熊家一班成員夾埋整蠱「金城安」周嘉洛，估唔到一向乖仔嘅佢竟然發火鬧爆豹哥單立文！
Photo from TVB
今次大整蠱連TVB高職曾勵珍（珍姐）都玩埋一份，本來周嘉洛同「三姨」蘇韻姿一齊練舞，但珍姐搵周嘉洛要佢暫時離開。
Photo from TVB
呢個時候電視城保安等出動晒擔架、急救用品，助蘇韻姿扮跌親受傷，其他《愛回家》成員都入戲開始喊。
Photo from TVB
Photo from TVB
周嘉洛離開珍姐房行入錄影廠即聽到喊聲，佢見蘇韻姿瞓喺擔架上喊晒口咁話「隻腳郁唔到」，即非常緊張，即刻用英文安慰對方：「It's Okay！」
Photo from TVB
Photo from TVB
周圍嘅人都喺度流淚，其中「熊若水」呂慧儀、 豹哥單立文就開始怪責周嘉洛自己行開，無陪蘇韻姿。
Photo from TVB
係咁被人怨嘅周嘉洛突然大爆發，扯甩口罩開火：「收聲啦！依家係咪可以送走咗佢先呀？！」，仲叫單立文：「我求下你你唔好再刺激佢啦﹗」
Photo from TVB
Photo from TVB
周嘉洛激動到面都紅晒，當蘇韻姿問佢隻腳郁唔到係咪佢幫手照顧媽咪、幫手交租時，周嘉洛默默不答，僅冷靜回應：「你唔好諗呢啲嘢住，你要相信自己。」，又問保安如果送上救護車係咪要家人陪：「想問下你哋清唔清楚程序？佢家人喺外國，依家佢一個人，親人唔喺香港。」
Photo from TVB
Photo from TVB
之後開估佢只係被整蠱，周嘉洛情緒尚未平復，塊面仲係「黑黑地」，又直言：「唔好攞啲咁嘅嘢嚟講笑呀嘛！」，不過佢即時攬住豹哥say sorry，佢表示當時聽見喊聲，見到一地血真係好驚。而同周嘉洛合作多年嘅熊家眾人都話未見過佢咁嬲發脾氣。
Photo from TVB
Photo from TVB
Photo from TVB
Photo from TVB
Photo from TVB
Photo from TVB
即睇周嘉洛被整蠱片段：
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
更多相關文章
Bob林盛斌成TVB新節目《大整蠱》首位目標！曾做心臟搭橋手術嚇至面容扭曲 網民質疑真實性！
20 Apr 2021
TVB新節目《大整蠱》就喺琴日播放咗第一集，節目內容當然就係不停用唔同嘅招數諗計整蠱一眾藝人。而第一集嘅主角就係林盛斌（Bob），節目組仲專程請咗幾位特技人員，設計咗場飛車著火嘅意外，令到被蒙在鼓裏嘅Bob嚇咗一大跳！
Photo from Bob IG
由艾粒同埋農夫一齊主持嘅新真人show《大整蠱》就喺琴晚首播，而第一集佢哋就決定要大整蠱林盛斌（Bob）。事關喺2013年嘅節目《玩嘢王》，Bob就因為當時嘅假婚禮大整蠱，而一炮而紅成為非常有名嘅婚禮司儀，所以佢哋就決定要再整蠱一次！
Photo from 《玩嘢王 》
Photo from 《玩嘢王 》
節目組就包裝成籌款節目，由Bob同馮盈盈一起主持，睇住兩位總理表演高難度嘅飄移和甩尾賽車籌款。然而，兩位總理嘅真實身份其實係由受過訓練嘅特技員假扮，仲邀請咗兩位應屆港姐冠亞軍謝嘉怡和陳楨怡坐上㗎車度，將籌款節目包裝得好逼真！
Photo from 《大整蠱》
Photo from 《大整蠱》
喺開始咗飄移環節之後，陳楨怡就扮暈車浪而需要由Bob頂上，「總理」仲喺上車前同Bob閒聊話自己最近好少開，令Bob更加緊張。喺表演嘅途中，「總理」就扮唔熟練，撞咗落個膠棍道，嚇到佢面容扭曲。馮盈盈見到佢咁樣，都忍唔住上前問曾經做過「通波仔」手術嘅Bob撐唔撐得住！
Photo from 《大整蠱》
Photo from 《大整蠱》
然後就到重頭戲，兩位「總理」挑戰飄移嘅保齡球比賽，其中一位嘅車就突然冒煙起火，而「總理」就成個火人咁行出嚟，嚇到現場嘅人都尖叫。Bob見到之後表情都好驚慌，但就不停咁叫快啲報警，又嘗試用自己嘅外套幫著火嘅「總理」撲火。
Photo from 《大整蠱》
Photo from 《大整蠱》
見到攝影機仲拍緊，Bob就出言叫唔好拍救人先。期間，Bob仲因為太驚慌而忍唔住爆粗！最後，馮盈盈就揭盅整蠱計劃，而Bob一見到個整蠱banner就呆咗幾秒，似乎完全冇諗過自己係被整蠱！
Photo from 《大整蠱》
Photo from 《大整蠱》
節目播出之後，網民嘅反應兩極！有網民就認為Bob算係非常冷靜，仲可以照顧身旁嘅人，係好男人。
Photo from TVB YouTube
但亦有網民認為節目太假，遇到呢種情況好難咁冷靜，一睇就知係全部人做緊戲！而且話整蠱計劃太過火，既然大家都知道Bob曾經做過心臟手術，就唔應該玩得咁盡，認為節目組為咗收視率而罔顧藝人嘅健康。
Photo from TVB YouTube
Photo from TVB YouTube
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
【想隨時隨地緊貼本地食買玩資訊？】
👉🏻 立即下載 HolidaySmart 假期日常APP
👉🏻 即刻Follow我地Instagram holidaysmart.hk
👉🏻 訂閱我地 Youtube Channel
