韓君婷力數蔡國威7宗罪！嘲對方講大話屬專業級　策劃緋聞借曝光率？

By Celia on 05 May 2021

Digital Editor

今年初前藝人韓君婷（Belinda）因無力償還債務而申請破產，有指佢嘅欠債達 6 位數字。而喺佢有財務困難嘅日子中，幸得好友「六合彩之子」蔡國威收留，喺蔡國威家中無條件暫住咁兩年多。可惜近日二人關係決裂，更反目成仇互相 unfollow IG 及刪除部份合照，近日韓君婷接受傳媒訪問時再指對方太多大話。

Photo from 韓君婷/IG

韓君婷與好友蔡國威反目成仇一事，源於韓君婷指責對方喺佢位於新蒲崗的公屋暫住時候被迫遷，佢更指自己唔想再被抹黑，所以決心爆出真相，又指唔再講大話去包容對方，保護對方嘅自尊結果傷害自己。而令佢最估唔到嘅係破產後會失去依個朋友，認清對方嘅真面目，逾 20 年嘅友情正式破裂。二人各執一詞惹嚟羅生門事件！

Photo from 韓君婷/IG

# 4大指控

而蔡國威近日亦有決定唔再啞忍，佢喺 IG 中寫上 4 大點，逐一回應迫遷 Belinda「呢7個字”你究竟幾時搬走?”」、「有俾4位數字家用」、「被抹黑、瞓梳化」以及「unfollow IG 」嘅指控，更以「問心無愧、燈火發誓」指：「由最初，我只係本著一心幫助好朋友，希望可以渡過難關，一直回答傳媒都相當保護，但竟然換來今日呢個對待，咁我亦必須講出事實嘅真相」

Frankie Choi（@frankiechoi828）分享的貼文

之後，佢更指自己唔係咩富有之人，只係能力所及，幫得就幫：「最後我要講一句,雖然我唔係咩富有人家,能力所及,可以幫,我都盡量幫,唔係需要你歌功頌德,但點解要以怨報德??」

Frankie Choi（@frankiechoi828）分享的貼文

#大話太多

不過唔好以為戰火就咁就會停，事關日前韓君婷喺接受傳媒訪問時又再增加對對方嘅「指控」，指對方大話太多，又以「垃圾大話」嚟形容蔡國威所說嘅所有事，所以唔想遂一反駁。

Photo from 韓君婷/IG

之後韓君婷對於指蔡國威喺 IG 中提到收租金一事時，韓君婷就笑言對方終於肯承認有收錢，更後悔當初畀錢：「若知道係咁，連 2 元都唔想畀佢。」

Photo from 韓君婷/IG

#因拒絕一齊上節目引對方不滿

另外佢又指早前曾有指 TVB 提議蔡國威帶同韓君婷一齊喺音樂節目《流行經典50年》演出，不過當時韓君婷就因自己唱歌不動聽為由拒絕，因此令蔡國威唔開心，喺家中不時畀面色佢睇。

Photo from 韓君婷/IG

#策劃緋聞借曝光

此外當年二人不時都會被拍到一起出街而傳出緋聞，但韓君婷就坦言係有人策劃希望借此曝光，當時覺得無所謂。但依家 23 年嘅友情決裂，佢坦言比起宣布破產更心痛，並指對方喺佢有利用價值時就係朋友，有利用價值時就咩都唔係，亦嘲對方講大話嘅功力已達專業級，認為應該頒一個最佳演員獎畀佢。

Photo from 韓君婷/IG

佢哋二人各執一詞，到底誰對誰錯真係只有佢哋先知，但咁就冇咗一個認識 23 年嘅好友係有啲可惜。

Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

江嘉敏跟風挑戰抖音奶醉妝開行美顏濾鏡改頭換臉變大細眼

29 Apr 2021

無線花旦江嘉敏（Kaman）不論身材、演技、定是非都經常引起熱議。今年初，佢出席《萬千星輝頒獎典禮2020》時雖以密實銀色長裙現身，但仍然遮蓋唔到其臃腫身材；上月又被指同馮盈盈各有各自私P圖，未能瓦解雙方不和傳聞。Kaman向來熱愛喺社交媒體上載靚相為自己平反，噚日佢就喺大陸短片平台抖音跟風挑戰近期流行嘅「奶醉妝」。