新抱抱怨奶奶誇張行徑催生B！ 企圖迫兒子去內地再搵老婆

相信有唔少結咗婚嘅夫婦都會面臨長輩們催佢哋生BB嘅壓力。最近，有位新抱就喺網上話自己嘅奶奶不停催佢哋兩夫婦生BB，仲誇張到叫自己個仔返內地娶妻，令佢非常不滿同好大壓力！

Photo from TVB

好多比較傳統嘅長輩都好恨抱孫，希望可以有人為佢哋傳宗接代。近日，有位新抱就喺Facebook專頁「生仔要考牌系列」投稿，抱怨奶奶不停催佢生BB！

Photo from 「生仔要考牌系列」FB

呢位新抱表示自己同老公喺拍拖嘅時候，就已經喺生育上達成共識，所以先決定結婚。事關兩人都唔太鍾意小朋友，而且生咗BB有好大嘅責任，所以衡量完種種因素之後，就下咗呢個決定。

Photo from TVB

不過，奶奶喺4年前開始同佢哋提及生BB嘅問題，而最近更加係比以前更加誇張。奶奶就表示可以資助佢哋，仲大讚香港嘅教育好，唔需要驚唔識教小朋友，而家係最適合生BB嘅！

Photo from TVB

另一方面，奶奶亦話政府有咁多嘅福利，千祈唔好輸蝕，話喺呢個咁幸福嘅環境起碼要生兩個，最好有個係仔，令呢位新抱非常無奈！

Photo from TVB

近來，奶奶好似見新抱依然冇生B嘅意願，就開始要脅佢話唔生就叫個仔返內地娶妻，仲話嗰邊好多親戚，一定會有好多女仔可以介紹比佢。而老公聽完就唔理佢，但都唔敢明確咁反抗，令佢好大壓力。

Photo from TVB

呢個post引起好多網民嘅討論，都表示好支持呢位新抱，認為生BB係應該睇夫婦之間嘅意願，而並非為咗滿足奶奶；另外亦有網民認為生BB只係女生嘅權利，唔係義務！

Photo from 「生仔要考牌系列」FB

Photo from 「生仔要考牌系列」FB

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

更多相關文章

網民大呻公司推出「廁所打卡制」每月如廁時間少於1小時有額外獎金！

13 May , 2021

去廁所係每個人每日都必定會做嘅事！日前，有網民就喺討論區話自己公司最近推行「廁所打卡制」，仲話如果員工每個月如廁嘅時間少於1個鐘，就有$150作獎勵！

Photo from TVB

最近，有網民就喺香港討論區大呻公司新推出咗「廁所打卡制」，由於老闆認為員工經常去廁所會影響工作效率，所以就喺開會時講過覺得除咗身體不適之外，員工係可以喺返工前或者午飯時間「痾清」。

Photo from 香港討論區

Photo from TVB

因此，公司就推出咗「廁所打卡制」，每次去廁所都需要打卡，並由reception嘅同事負責睇住。一攞廁所鎖匙就要打卡，出去同返入公司都要打卡，用嚟紀錄時間！

Photo from TVB

而老闆為咗鼓勵員工實行呢個制度，就話如果每個月結時，員工如廁時間少於1個鐘就可以獲得零食基金$150作為獎勵！不過，呢位網民就表示獎勵嘅金額太少，呢$150佢就真係唔太在意，直言覺得呢個制度反而會帶嚟反效果。

Photo from TVB

呢個post一出就引起唔少網民嘅關注，大部份網民都認為呢位老闆不近人情，連員工嘅生理需要都要控制；但都有網民認為呢個制度只係針對會偷懶嘅員工，並冇懲罰已經好好！

Photo from 香港討論區

Photo from 香港討論區

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）