TVB 2021藝人訓練班面試現場曝光！ 參加者自信爆棚 展現特別才能

TVB今年舉辦嘅藝人及電視製作人員嘅招募，反應非常熱烈，仲吸引到至少1200人報名申請。早前，《東張西望》就去直擊第二輪面試嘅情況，仲訪問咗唔少嘅參加者，位位都好有個人風格！

Photo from 《東張西望》

自從TVB決定「改革」之後，佢哋喺3月到4月嘅時候就接受《TVB藝員及電視製作人員訓練班》嘅申請，希望可以招攬有興趣同熱誠嘅人加入佢哋。據悉，大家嘅反應非常熱烈，喺截止前幾日就已經有至少1200人申請咗！

Photo from 《東張西望》

Photo from TVB娛樂新聞台

今屆將會由馬浚偉擔任TVB藝人訓練班嘅校長，佢喺接受訪問嘅時候就話「呢兩次嘅面試已經搵到啲好有特色嘅演員，你冇辦法幫佢改，因為佢天生已經適合嗰角色」，睇嚟對參加者嘅質素好滿意咁～

Photo from 《東張西望》

《東張西望》亦採訪咗好多位參加者，唔少人都有備而來，希望可以展現自己嘅長處。而參加者嘅才能都非常特別，包括有模仿二胡聲音、即興創作freestyle rap、打功夫等。

Photo from 《東張西望》

Photo from 《東張西望》

而其中一位皮膚比較黝黑嘅參加者就表示有好多人都話佢似吳卓羲加王大陸，仲即場模仿王大陸喺電影中《我的少女時代》嘅台詞，令一旁嘅參加者都忍唔住為佢嘅表演鼓掌，場面十分搞笑！

Photo from 《東張西望》

Photo from 《東張西望》

唔少網民睇完都認為參加者們表現得好搞笑，好似比較適合走諧星路線多啲；但亦有網民認為參加者嘅質素好似大不如前！

Photo from TVBYouTube

Photo from TVBYouTube

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）