姜濤撞樣日本女優 網民：崩潰！返唔到轉頭！

港產男團MIRROR話題不斷，除咗事業發展經常被關注外，佢哋樣貌都不時被指與不同女星「撞樣」。團體當中嘅人氣王姜濤可能係「撞樣」次數最多嘅成員，繼早前被指同女歌手G.E.M.鄧紫棋似失散姊弟後，今次有網民又有新發現！更加令唔少男網友感到崩潰！

Photo from 姜濤 FB

近日，喺連登討論區有一篇名為「呢條女好似姜濤」嘅帖文，圖文並茂指姜濤同25歲日本女優中尾芽衣子撞樣，唔知係咪上載圖片過於露骨，現時帖文已被刪除。

Photo from (左) 連登討論區，(右) 姜濤 FB

Photo from 姜濤 FB

Photo from 中尾芽衣子 Twitter

但可能太震撼，帖文已被廣傳。網民指出姜B同中尾芽衣子於某部作品封面照尤其相似，話兩人十足姊弟，網民都被嚇到「心都離一離」，紛紛留言表示：「我精神崩潰喇！！」、「計唔到心裡陰影面積有幾大」、「返唔到轉頭了」、「估唔到連睇愛情動作片都逃唔出姜B魔掌！」

Photo from 連登評論

Photo from 連登評論

雖然不少網民被嚇壞，但都提升咗部分網友對中尾芽衣子作品嘅興趣，直接問大家攞作品番號，有人問當事人係咪想借中尾欣賞姜B，佢否認，並澄清自己只係想透過作品睇下兩人究竟有幾似樣。當事人都被其他網友稱讚有勇氣：「你真勇士。」

Photo from 連登評論

Photo from 連登評論

有網民表示未進入帖文前都唔相信兩人似樣，但一睇完圖就知大鑊，震驚直言：「真係好X似樣！」

Photo from 連登評論

有網友持開放態度，未有被「撞樣」一事嚇退，問道：「『兩姊弟』幾時合作？」睇嚟依位網民內心對姜濤「興趣」被激發起嚟。

Photo from 連登評論

其實，姜濤都唔係第一次被指同女藝人撞樣。早前已有人認為佢同歌姬G.E.M.鄧紫棋撞樣。

Photo from Presslogic

而姜B一班隊友都「唔失禮」。早前，佢哋嘅演唱會海報被惡搞成女團都毫無違和感！

Photo from Presslogic

Photo from 連登討論區

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）