download HolidaySmart 假期日常 app
謝天華內地酒吧登台大開金口! 享受「天王巨星」級待遇 十幾名保安護送離場

謝天華內地酒吧登台大開金口! 享受「天王巨星」級待遇 十幾名保安護送離場

娛樂新聞
By Stephanie on 24 May 2021
Digital Content Writer

謝天華憑住飾演「Laughing 哥」一角而一炮而紅,亦好受內地網民嘅歡迎!最近,佢就喺內地一間酒吧登台表演唱歌,現場有好多支持佢嘅粉絲,需要十幾名保安護送佢先可以安全離開!

廣告
廣告

謝天華微博Photo from 謝天華微博

現時53歲嘅謝天華入行三十幾年,初出道嘅時候曾經做過dancer,為唔少巨星伴舞。喺1990年代,開始有份出演多部電影,成為演員。喺2011年憑著電視劇《潛行狙擊》「梁笑棠」(Laughing 哥)呢個角色而爆紅,人氣急升,仲令佢有機會拍攝續集電影《Laughing Gor之潛罪犯》!

謝天華微博Photo from 謝天華微博

《潛行狙擊》Photo from 《潛行狙擊》

呢幾年,謝天華就將自己嘅事業重心放喺內地。日前,佢就獲邀去廣州一間酒吧做表演嘉賓,主持人仲以「天王巨星」稱呼佢,非常有架勢!當晚,佢獻唱咗兩首歌曲,分別係《潛行狙擊》嘅主題曲《獨行》同《愛的初體驗》,現場嘅粉絲都好落力咁為佢歡呼~

抖音Photo from 抖音

抖音Photo from 抖音

廣告
廣告

除咗唱歌之外,謝天華仲好親民咁向粉絲大派福利,一邊唱歌一邊派自己嘅親筆簽名照,又近距離同粉絲握手活動,令現場嘅氣氛好高漲,難怪粉絲們咁鍾意佢啦!

抖音Photo from 抖音

抖音Photo from 抖音

喺謝天華表演完畢之後,唔少熱情嘅粉絲都忍唔住衝上前想同佢合照,場面一度變得混亂。好彩,大會本身已經安排咗「天王」級嘅待遇俾佢,有十幾名保安喺佢身邊護送佢離開,可見佢喺內地嘅人氣真係好高㗎!

抖音Photo from 抖音

其實都有唔少藝人返內地登台表演嘅時候,能夠享受「天王」級嘅待遇㗎!喺今年4月嘅時候,藝人梁競徽就喺惠州嘅酒吧登台表演,當時佢入場就已經喺多名保安護送下進入會場,雖然佢當日不停走音,但仍然有唔少粉絲支持佢!

抖音Photo from 抖音

抖音Photo from 抖音

而梁競徽當日亦非常興奮,仲好親民咁邀請咗台下嘅一位男觀眾一齊大跳貼身舞,現場嘅氣氛十分熱鬧!

抖音Photo from 抖音

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel